Maariko 3:22 - ÎVUKU RÎA ÛVORO MWARO

²² Nao arimû amwe a watho, arîa maaumîte Jerusalemu maaugaga atîrî, “Arî na Belizebuli mûnene wa ndaimono! Belizebuli nîke ûmûvecaga ûvoti wa kûrutûrûra ndaimono.”

Maariko 3:22 ပူးပေါင်းရင်းမြစ်များ

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

Thaburi 22:6

Nwatî andû monaga mbîkariî ta kîgunyû na tî ta mûndû, nthekagîrîrwa na nganyararwa nî andû onthe!

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 11:18

Na rîrîa Johana aaûkire nîwenyerekirie na ndaanyua ndivei. Nao andû onthe nîmaaugire atî, ke arî na ndaimono.

Mathaayo 12:24

Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”

Mathaayo 15:1

Nao Afarisai amwe na arimû a Watho nîmaaumire Jerusalemu, makîthiî kûrî Jesû na makîmûûria atîrî,

Mathaayo 9:34

Nwatî Afarisai nîmaaugire atîrî, “Nî mûnene wa ndaimono ûvecaga Jesû vinya wa kûrutûrûra ndaimono.”

Maariko 7:1

Nao Afarisai na arimû a watho arîa maaumîte Jerusalemu, nîmaaûnganire varîa Jesû aarî.

Luka 11:15

Nwatî andû amwe gatagatîrî kao nîmaambîrîrie kuga atîrî, “Nî Belizebuli mûnene wa ngoma ûmûvecaga ûvoti wa kûrutûrûra ngoma.”

Luka 5:17

Mûthenya ûmwe rîrîa Jesû aathomithanagia, Afarisai amwe wana arimû a Watho arîa maaumîte matûûrarî monthe ma Galili, Judea na Jerusalemu, nîmeekarîte vakuvî na varîa Jesû aarî. Nake Jesû aarî mûve vinya wa kûvonia andû nî Mwathani.

Johana 10:22

Îvinda nîrîakinyire rîa kîrugo gîa gûkûngûîra kwamûrwa kwa hekarû îtûûrarî rîa Jerusalemu. Kwarî vîndî ya mvevo.

Johana 7:20

Nao andû nîmaamûcokerie atîrî, “We wîna ngoma! Nû ûrenda gûkûûraga?”

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”

Johana 8:52

Nao Ayahudi nîmaamwîrire atîrî, “Rîu nîtwamenya na ma atî we ûrî na ngoma! Iburahimu na arathi onthe nîmaakuire, nwatî we ûratwîra atî mûndû wa wonthe wathîkagîra ciugo ciaku ndagaakua.