Maariko 2:5 - ÎVUKU RÎA ÛVORO MWARO

⁵ Nake Jesû ona ûrîa maarî na wîtîkio mûnene, nîwerire mûndû ûcio wakuîte ciîga ciake cia mwîrî atîrî, “Mûvîcîwa, nîwoverwa mevia maku.”

Maariko 2:5 ပူးပေါင်းရင်းမြစ်များ

Kîam 22:12

Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

Thaburi 103:3

Nîke ûndekagîra mevia monthe, na akamvonia mîrimû yakwa yonthe.

Isaia 38:17

Naathînîkire ûguo nîûndû wa wagîrîru wakwa, nwatî nîûvonoketie ûtûûro wakwa, kuuma ûgwatirî wa gîkuû, nîûndû nîûnjoverete mevia makwa monthe.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Mathaayo 9:22

Nake Jesû nîwevûgûrire, akîona mûndûmûka ûcio, na akîmwîra atîrî, “Mwarîwa, îyûmîrîrie! Gwîtîkia gwaku nîkuo gwatûma ûvone.” Na kavinda wa kau mûndûmûka ûcio nîwavonire.

Mathaayo 9:5

Nî ûndû ûrîkû mûvûthû, nî kuga ‘Nîwoverwa mevia maku,’ kana nîkuga ‘Ûkîra wîthiîre?’

Maariko 2:6

Nao arimû a Watho arîa meekarîte kuo, nîmeeyûririe na ngoro ciao atîrî,

Maariko 5:34

Nake Jesû nîwerire mûndûmûka ûcio atîrî, “Mwarîwa, gwîtîkia gwaku nîkuo gwatûma ûvone. Thiî na thayû na mûrimû ûcio ndûgagûcokerere rîngî.”

Luka 5:20

Rîrîa Jesû oonire atî andû acio maarî na wîtîkio mûnene nîwerire mûndû ûcio atîrî, “Mûrata wakwa, nîwoverwa mevia maku.”

Luka 8:48

Nake Jesû nîwamwîrire atîrî, “Mwarîwa, gwîtîkia gwaku nîkuo gwatûma ûvone. Thiî na thayû.”

Johana 2:25

Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

1Akor 11:30

Na kîu nîkîo gîtûmaga engî gatagatîrî kenyu methîrwe matarî na vinya na marî arwaru na amwe nî akuû.

2Akor 2:10

Ethîrwa mue nîmwovera mûndû, wa nanie nînovera mûndû ûcio. Nakîo kîrîa nie novanîra ethîrwa naarî na ûndû wa kwovanîra nie novanîre nîûndû wenyu nîrî mbere ya Kristû.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Akol 3:13

Kiranagîrîriani na mûkovanîra vîndî îrîa mwavîtanîria. Nwanginya mwovanagîre wata ûrîa Mwathani wa nake aamwoverete.

Jakuvu 5:15

Namo mavoya mau mangîvowa na wîtîkio nîmakûvonia mûndû ûcio ûrwarîte na Mwathani acokerie mûndû ûcio ûgima wake wa mwîrî. Na ethîrwa mûndû ûcio nîwîtîkîtie nîakwoverwa mevia make.