Maariko 13:9 - ÎVUKU RÎA ÛVORO MWARO

⁹ “Îîmenyagîrîreni nîûndû nîmûkaanyitwa na mûcirithîrue ciamarî cia athuuri. Wana nîmûkaarivîrwa mavoerorî, na mûrûngamue mbere ya anene na athamaki nîûndû wakwa ûrî ta ûira kûrî o.

Maariko 13:9 ပူးပေါင်းရင်းမြစ်များ

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Maariko 1:44

“Menyerera ndûkere mûndû wana ûrîkû ûvoro ûyû. Nwatî ûthiî ûkeyonanie kûrî mûthînjîri-Ngai na ûrute îgongoona rîrîa Musa aathanire nîguo rîtuîke ûira wa ma kûrî andû onthe atî we nîwatherua.”

Maariko 13:5

Nake Jesû nîwameerire atîrî, “Îîmenyagîrîreni mûtikavîtithue nî mûndû wana ûrîkû.

Maariko 13:8

Mavûrûri nîmakaarûa, namo mothamaki mathithûkanîre. Nîgûkaagîa na ithingithia kûndû kwîngî wana kûgîe na yûra. Maûndû mama nî ta Kîammbîrîria Kîam ûrûrû ûrîa mûndûmûka egucaga akîgîa na mwana.

Maariko 6:11

Na mûngîkaathiî îtûûrarî na andû akuo marege kûmûgwata ûgeni, wana kana kûmûthikîrîria, îrivarivageni rûkûngû magûrûrî menyu mûkînauma kuo. Nakîo gîîko kîu gîgaatuîkaga ûira kûrî o atî ûndû ûcio ndûnamûkenia.”

Luka 9:5

Na kûndû kuonthe kûrîa andû akuo matakaamûgwata ûgeni, mbere ya mume îtûûrarî rîu, îîrivarivageni rûkûngû magûrûrî menyu. Nakîo gîîko gîkî gîtuîkage ûira kûrî andû acio, atî ûndû ûcio ndûnamûkenia.”

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.

Ciîko 9:16

Na nie mwene nîngûmwonia ûrîa ke akathînua nîûndû wakwa.”

Afil 1:29

Mue nîmûvetwe kamweke ga gûtungatîra Kristû, tî na njîra ya kûmwîtîkia nwatî nî wana ya kûthînua nîûndû wake.

2Ath 1:5

Maûndû mama monthe nîmonanagia atî Ngai atucanagîra ciira na kîvooto. Na nîûndû wa ûguo nîmûgaatuîka agîrîru a gûtonya ûthamakirî wa Ngai ûrîa mûthînagua nîûndû wa guo.

2Joh 1:8

Îîmenyerereni nîguo mûtigate kîrîa kîonthe mûrutîrîte wîra, nwatî mûkaagwata mûcara wenyu wonthe.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.