Maariko 13:13 - ÎVUKU RÎA ÛVORO MWARO

¹³ Nao andû onthe nîmakaamûmena nîûndû wakwa. Nwatî mûndû ûrîa ûkaaûmîrîria nginya mûthiia nîakaavonokua.

Maariko 13:13 ပူးပေါင်းရင်းမြစ်များ

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Johana 15:21

Nwatî nîmakaamwîka maûndû mama monthe nîûndû wakwa na nîûndû matiîcî ûrîa wandûmire.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Danieli 12:12

Gûkena nî arîa magekara marî evokeku mîthenya ngiri îmwe na magana mathatû ma mîrongo îthatû na îthano (1,335).

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Johana 17:14

Nînaamakinyîrie ndûmîrîri yaku na andû a gûkû nthî makîmamena nîûndû o tî a gûkû nthî wata ûrîa wa nanie ndarî wa gûkû nthî.

Luka 21:17

Andû onthe nîmakaamûmena nîûndû wa rîîtwa rîakwa.

Mathaayo 24:9

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

1Joh 3:13

Ariû na aarî a îthe wetû, mûtikamake andû a gûkû nthî mangîmûmena.

Maariko 13:12

Mûndû nîakaanenganîra mûrwang'ina aûragwe, na mûthuuri anenganîre mwana wake. Nacio ciana nîigaaûkîrîra aciari a cio na imaûragithie.