Maariko 10:1 - ÎVUKU RÎA ÛVORO MWARO

¹ Jesû nîwaumire kûu Kaperinaumu, akîthiî vûrûrirî wa Judea, na akîringa mûringo ûcio wîngî wa rûnjî rwa Jorodani. Nakîo kîrîndî nîkîamûrigicîrie rîngî, na agîkîthomithia wata ûrîa aamenyerete.

Maariko 10:1 ပူးပေါင်းရင်းမြစ်များ

Mûvunjia 12:9

Mûvunjia aarî mûndû mûûgî, kwoguo nîwathomithagia andû maûndû marîa aaicî. Nîwethomithirie nthimo na agîituîria waro nîguo amenye ûma wacio.

Jeremia 32:33

Nîmamvuvatîrîte vandû va kûngarûrûkîra. Wana ethîrwa mbîthîrîtwe ngîmathomithia, nîmaregete kûnthikîrîria na kwathîkîra kîrîra gîakwa.

Mathaayo 26:55

Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita.

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Maariko 1:21

Jesû na arutwa ake nîmaathiîre îtûûrarî rîa Kaperinaumu. Na mûthenya wa thavatû wakinya nîwatonyire îvoerorî na akîambîrîria kûthomithia andû.

Maariko 10:2

Nao Afarisai amwe nîmaathiîre kûrî ke makîenda kûmûgeria na makîmûûria atîrî, “Watho wetû nîwîtîkîrîtie mûthuuri ate mûka?”

Maariko 12:35

Rîrîa Jesû aathomithanagia hekarûrî, nîwaûririe atîrî, “Arimû a Watho maugaga Mesaya nî wa mbarî ya Daudi nîkî?

Maariko 14:49

Nîrekaraga ngîmûthomithagia hekarûrî mûthenya wa mûthenya mûtakûnyita. Nwatî maûndû mama mekîka nîguo Mandîko Matheru mavingue.”

Maariko 2:13

Jesû acoka rûtererî rwa îria rîa Galili, andû eengî nîmaathiîre kûrî ke na akîambîrîria kûmathomithia.

Maariko 4:2

Nake nîwamathomithirie maûndû meengî na ngerekano, na akîmeera atîrî,

Maariko 6:2

Mûthenya wa thavatû wakinya, nîwambîrîrie kûthomithania arî îvoerorî. Nao andû eengî arîa maamwîgwire nîmaamakire mûno, na makîûrania atîrî “Mûndû ûyû aarutire maûndû mau monthe kû? Kaî mûndû ûyû avetwe ûûgî wa mûthemba ûrîkû? Avotaga kûringa ciama atîa?

Maariko 6:34

Rîrîa Jesû aaumire îtarûrî, nîwonire kîrîndî kîîngî na akîringwa nî ntha nîûndû gîekarîte ta ng'ondu itarî na mûrîthi. Kwoguo nîwambîrîrie kûmathomithia maûndû meengî.

Maariko 6:6

Nake nîwamakire mûno nîûndû andû matiarî na wîtîkio. Nake nîwathiîre icagirî irîa ciarî vakuvî na Nazarethi akîthomithagia andû.

Johana 10:40

Wa rîngî Jesû nîwacokire mûringo wa rûnjî rwa Jorodani kûrîa Johana aavatithanagîria mbererî. Jesû nîwekarire kuo,

Johana 11:7

Nîwacokire akîra arutwa ake atîrî, “Tigani tûcoke Judea.”

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.