Maariko 1:6 - ÎVUKU RÎA ÛVORO MWARO

⁶ Johana eekîraga nguo yarûthîtwe na guoya wa ngamîîra na akeyovaga mûcivi wa rûo kîûnûrî. Irio ciake ciarî ngige na ûûkî wa kîthaka.

Maariko 1:6 ပူးပေါင်းရင်းမြစ်များ

2Atha 1:8

Nao nîmaamûcokerie atîrî, “Arekîrîte nguo ya guoya, na akeyova mûcivi wa rûûo kîûnûrî gîake.” Nake mûthamaki nîwaugire atîrî, “Ûcio nî Elija Mûtishibi.”

Alawi 11:22

Nwa mûrîe ngige cia mîthemba yonthe, ngiria kana mvaranyû.

Zakaria 13:4

Kavinda kau gakinya, arathi nîmakegucaga nthoni nî cioneki ciao. Matigetîkîra gwîkîra nguo irîa irî guoya cia ûrathi nîguo maveenanie,

Mathaayo 3:4

Johana eekagîra nguo yathondeketwe na guoya wa ngamîîra. Eeyovaga mûcivi wa rûûo kîûnûrî, na irio irîa aarîcaga ciarî ngige na ûûkî wa kîthaka.

Maariko 1:5

Nao andû eengî arîa maaumîte vûrûrirî wa Judea na îtûûrarî rîa Jerusalemu nîmaathiîre kûrî Johana nîguo mamûthikîrîrie. Nao nîmaaumbûrire mevia mao na makîvatithua nîke rûnjîrî rwa Jorodani.

Maariko 1:7

Nîwavunjîrie andû na akîmeera atîrî, “Ûrîa ûgûka vuva wakwa nî mûnene kûngîra na nie ndirî mwagîrîru wa kûvota gûkuamîrîria nîmwovore iratû ciake.