5 Nao andû eengî arîa maaumîte vûrûrirî wa Judea na îtûûrarî rîa Jerusalemu nîmaathiîre kûrî Johana nîguo mamûthikîrîrie. Nao nîmaaumbûrire mevia mao na makîvatithua nîke rûnjîrî rwa Jorodani.
Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.
Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.
Nao andû eengî mûno a kuuma Galili, Dekapoli, Jerusalemu, Judea na mûringo ûcio wîngî wa rûnjî rwa Jorodani, nîmaamûrûmîrîre.
Nake Johana nîwathiîre werûrî akîvunjagia na akîvatithanagia. Nîweraga andû atîrî, “Îrireni mevia menyu na mûvatithue, nake Ngai nîakûmwovera mevia menyu.”
Johana eekîraga nguo yarûthîtwe na guoya wa ngamîîra na akeyovaga mûcivi wa rûo kîûnûrî. Irio ciake ciarî ngige na ûûkî wa kîthaka.
Maûndû mama monthe meekîkire îtûûrarî rîa Bethania rîrîa rîarî mûringo wa îrathîro wa Rûnjî rwa Jorodani, kûrîa Johana aavatithanagîria.
Johana wa nake nîwavatithanagia arî Aenoni vakuvî na Salimu, nîûndû kûu kwarî na manjî meengî. Na andû nîmaathiîcaga kûrî Johana nake akamavatithia.
Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.
Andû eengî etîkia nîmaambîrîrie kumbûra cararûkû maûndû macûku marîa o meekîte.
Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.
Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.
Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”