Maariko 1:4 - ÎVUKU RÎA ÛVORO MWARO

⁴ Nake Johana nîwathiîre werûrî akîvunjagia na akîvatithanagia. Nîweraga andû atîrî, “Îrireni mevia menyu na mûvatithue, nake Ngai nîakûmwovera mevia menyu.”

Maariko 1:4 ပူးပေါင်းရင်းမြစ်များ

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Mathaayo 3:6

Andû acio nîmaaumbûrire mevia mao, na Johana akîmavatithîria rûnjîrî rwa Jorodani.

Maariko 1:5

Nao andû eengî arîa maaumîte vûrûrirî wa Judea na îtûûrarî rîa Jerusalemu nîmaathiîre kûrî Johana nîguo mamûthikîrîrie. Nao nîmaaumbûrire mevia mao na makîvatithua nîke rûnjîrî rwa Jorodani.

Luka 1:77

Nîûkaamenyithia andû ake atî nî makaavonokua, na njîra ya kwoverwa mevia mao.

Johana 3:23

Johana wa nake nîwavatithanagia arî Aenoni vakuvî na Salimu, nîûndû kûu kwarî na manjî meengî. Na andû nîmaathiîcaga kûrî Johana nake akamavatithia.

Ciîko 10:37

Mue nîmwîcî atî ûvoro ûcio nîwavunjirue Judea kuonthe wambîrîrîtie Galili vuva wa Johana kûvunjîria andû ûvoro wîgiî ûvatithio.

Ciîko 22:16

Na rîu wetererete Ndûî? Ûkîra ûvoe Ngai, ûvatithue na nîûkwoverwa mevia maku.’