Luka 9:58 - ÎVUKU RÎA ÛVORO MWARO

⁵⁸ Nake Jesû nîwamûcokerie atîrî, “Mbwe ciîthagîrwa na marima, iconi ikethîrwa na ciomba, nwatî Mûrû wa Mûndû ndarî na vandû angîmama avurûke.”

Luka 9:58 ပူးပေါင်းရင်းမြစ်များ

Thaburi 84:3

Wana tûconi twa nja nîtûtumîte ciomba cia tuo kuo, na nthûngûrûrû nîitumîte ciomba cia cio, cigaga tûcui twacio vakuvî na metha yaku ya kîgongoona, we Ngai-Mûnene, mwene vinya wonthe, mûthamaki na Ngai wakwa.

Mathaayo 13:32

Mvîndî îo nîyo nini mûno gûkîra mvîndî irîa ciîngî cionthe. Nwatî vîndî îrîa yakûra, nîcokaga gûtuîka mûtî ûrîa mûnene mûno gûkîra mîtî îrîa îngî yonthe îî mûgûndarî. Kwoguo iconi nîciûkaga na igatuma ciomba mvûarî ciaguo.”

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.