Luka 9:54 - ÎVUKU RÎA ÛVORO MWARO

⁵⁴ Rîrîa arutwa ake, Jakuvu na Johana maamenyire ûguo, nîmaamûririe atîrî, “Mwathani, nîûrenda tuge mwaki ûmanyûrûrûkîre kuuma îgûrû na ûmathirie?”

Luka 9:54 ပူးပေါင်းရင်းမြစ်များ

2Sam 16:9

Abishai ûrîa ng'ina eetagwa Zeruia nîwerire mûthamaki atîrî, “Mwathi wakwa, ûretîkîra mûndû ûyû wîkariî ta ngui îno nguû akûrume nîkî? Tiga nthiî nîmûtinie kîongo!”

2Sam 21:2

(Andû acio a Gibeoni matiarî Aisiraeli; maarî gakundi kanini ka andû a Amori. Aisiraeli nîmaamerîrîte atî nîmakûmagitîra, nwatî Saûlo nîwageretie kûmaûraga nîûndû nî kîîo kîrîa aarî nakîo kûrî andû a Isiraeli na a Juda.)

2Atha 1:9

Mûthamaki nîwacokire agîtûma mûnene wa athigari mîrongo îtano na athigari acio mathiî makagîre Elija. Mûnene ûcio nîwethîre Elija ekarîte nthî gacûmbîrî ga kîrîma na akîmwîra atîrî, “Mûndû wa Ngai, mûthamaki akwîra ûnyûrûrûke.”

2Atha 10:16

Jehu nîwerire Jehonadabu atîrî, “Ûka tûthiî nawe nîguo ûkeyonere ûrîa nîîrutîrîte gûtungatîra Ngai-Mûnene.” Kwoguo nîmaathiîre Samaria marî gîkaarirî kîmwe.

2Atha 10:31

Nwatî Jehu ndaathîkîra watho wa Ngai-Mûnene Ngai wa Isiraeli na ngoro yake yonthe. Vandû va ûguo, nîwekire wîvia ta ûrîa wekirwe nî Jeroboamu, ûrîa watûmire andû a Isiraeli mevie.

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Maariko 3:17

Jakuvu mûrû wa Zebedii na Johana mûrwang'ina na Jakuvu (arîa aatuîrîre rîîtwa akîmeeta, Boanerigesi, naguo ûguo nî ta kuga “Andû a marurumî,”);

Luka 9:55

Nwatî Jesû nîwavûgûkire na kûrîa maarî na akîmakaania.

Kûguû 13:13

Nyamû îo ya kaîrî nîyaringire ciama nene. Nîyatûmire mwaki ûnyûrûrûka kuuma îgûrû gûka nthî andû onthe maroretie.

Kûguû 13:3

Kîongo kîmwe Kîam nyamû îo gîekariî ta kîronda kînene mûno nwatî Kîamrî kîvonu. Andû onthe a nthî nîmaamakire na makîrûmîrîra nyamû îo.