Luka 9:51 - ÎVUKU RÎA ÛVORO MWARO

⁵¹ Rîrîa kavinda gaakuvîvîrie ka Jesû ambatue îgûrû, Jesû nîweciririe athiî Jerusalemu.

Luka 9:51 ပူးပေါင်းရင်းမြစ်များ

2Atha 2:11

Mathiîte wa ûguo wa makîaragia, wa rîmwe gîkaari Kîamrîrîmbûkaga ta mwaki kîgucîtue nî mbarathi ciarîrîmbûkaga ta mwaki nîgîaûkire karîgatî kao oîrî, na Elija nîwavirirwe îgûrû nî rûkûngi rûnene rwavurutanaga na vinya.

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Luka 12:50

Nie nîrî na ûvatithio ngeerie kûvatithua naguo. Nîrathînîka ngîyûria rîrîa ûndû ûyû ûkaavingua.

Luka 13:22

Jesû nîwavîtûkîrîre icagirî na matûûrarî akîthomithagia andû vîndî îrîa aathiîte îtûûrarî rîa Jerusalemu.

Luka 17:11

Rîrîa Jesû aathiîte Jerusalemu, nîwavîtûkîrîre mûvakarî wa vûrûri wa Samaria na Galili.

Luka 18:31

Jesû nîwocire arutwa ake akîthiî ndundu nao na akîmera atîrî, “Tathikîrîriani! Tûthiîte Jerusalemu kûrîa maûndû monthe marîa arathi maandîkire megiî Mûrû wa Mûndû makaavingîrua.

Luka 19:11

Rîrîa andû maathikîrîrîtie mîario îo, Jesû nîwamavere ngerekano. Vîndî îo aarî vakuvî na Jerusalemu na andû meciragia atî Ûthamaki wa Ngai warî vakuvî gûkinya.

Luka 19:28

Rîrîa Jesû aarîkirie kuga ûguo, nîwathiîre na mbere kunûkia erekerete Jerusalemu.

Luka 24:51

Na vîndî îrîa aamarathimaga, nîwamatigire na akîambatua îgûrû.

Luka 9:57

Rîrîa Jesû na arutwa ake maarî njîrarî mathiîte, nîmaatûnganire na mûndû ûmwe ûrîa werire Jesû atîrî, “Nie nîngûkûrûmîrîra wa kûrîa kuonthe ûkûthiî.”

Johana 13:1

Gwatigarîtie mûthenya ûmwe kîrugo Kîam pasaka Kîammbîrîrie. Jesû nîwaicî atî îvinda rîake rîa kuuma gûkû nthî athiî kûrî îthe rîarî rîkinyu. Ke aarî mwendu andû ake arîa maarî gûkû nthî, na aamendire nginya mûthiia.

Johana 16:28

Nie naumire kûrî Vava na ngîûka gûkû nthî na rîu nînguuma gûkû nthî njoke kûrî Vava.”

Johana 16:5

Nwatî rîu nîngûcoka kûrî ûrîa wandûmire na gûtirî mûndû wana ûmwe gatagatîrî kenyu ûrambûria kûrîa nîrathiî.

Johana 17:11

Na rîu nîkwa mbûkîte kûrî we. Nie rîu ndirî gûkû nthî rîngî, nwatî o marî gûkû nthî. Vava Mûtheru, mamenyagîrîre na vinya wa rîîtwa rîaku rîrîa wamvere, nîguo matuîke kîndû kîmwe wata ûrîa we nanie tûrî kîndû kîmwe.

Johana 6:62

Î narîo mûkona Mûrû wa Mûndû akiunûkia acokete kûrîa aarî mbererî?

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 1:9

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

Aefeso 1:20

ûrîa aatûmîre vîndî îrîa aariûkirie Kristû na akîmwiga mwenarî wake wa ûrîo kûu îgûrû.

Afil 3:14

Kwoguo nîîrutanagîria kûvinyûra ndoretie mbere nîguo nacinda mvewe kîveo kîrîa Ngai ambîtîîre kûu îgûrû na njîra ya Jesû Kristû.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 6:20

Nake Jesû nîmûtonyu vo vandûrî vetû na nîmûtuîku Mûthînjîri-Ngai ûrîa mûnene wa tene na tene wata Melikizedeki.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.