Luka 9:44 - ÎVUKU RÎA ÛVORO MWARO

⁴⁴ “Mûtikariganîrwe nî ûvoro ûyû ngeerie kûmwîra! Mûrû wa Mûndû nîakûnenganîrwa nîguo anyitwe nî andû.”

Luka 9:44 ပူးပေါင်းရင်းမြစ်များ

2Sam 24:14

Daudi nîwerire Gadi atîrî, “Nînîrathînîka mûno! Nwatî ndikwenda kûverithua nî andû. Nî kava tûverithue nî Ngai-Mûnene ke mwene nîûndû arî ntha nyîngî.”

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 26:2

“Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”

Maariko 8:31

Jesû nîwacokire akîambîrîria kûthomithia arutwa ake atî, “Nwa nginya Mûrû wa Mûndû one mathîna meengî, aregwe nî athuuri, anene a athînjîri-Ngai, na arimû a Watho, na acoke aûragwe, na vuva wa mîthenya îthatû ariûke.”

Maariko 9:31

nîûndû nîwathomithagia arutwa ake akîmeeraga atîrî, “Mûrû wa Mûndû nîakaanenganîrwa kûrî andû, nao mamûûrage, na vuva wa mîthenya îthatû, ariûke.”

Luka 1:66

Andû onthe arîa meegwire ûvoro ûcio nîmawîciragia na makîûria atîrî, “Angwa nîkwa mwana ûyû agaatuîka û?” Nîûndû nî kwonekanaga waro atî vinya wa Mwathani warî vamwe nake.

Luka 18:31

Jesû nîwocire arutwa ake akîthiî ndundu nao na akîmera atîrî, “Tathikîrîriani! Tûthiîte Jerusalemu kûrîa maûndû monthe marîa arathi maandîkire megiî Mûrû wa Mûndû makaavingîrua.

Luka 2:19

Nake Mariamu nîwekarire akîririkanaga maûndû mama monthe na ageciragia mûno ûvoro wamo.

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Luka 9:22

na akîmeera atîrî, “Nwa nginya Mûrû wa Mûndû athînue mûno na aregwe nî athuuri, anene a athînjîri-Ngai, na arimû a Watho. Nake nîakaaûragwa na mûthenya wa kathatû acoke ariûke.”

Johana 16:31

Nake Jesû nîwamacokerie atîrî, “Kwoguo rîu nîmwetîkia?

Johana 16:4

Nwatî namwîra maûndû mama nîguo îvinda rîakinya rîa maûndû mama gwîkîka, mûkaaririkana atî nînamwîrîte ûvoro ûmegiî. “Nie ndiamwîra maûndû mama kuuma Kîammbîrîria nîûndû nîrethagîrwa nîrî vamwe namue.

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.