Luka 9:42 - ÎVUKU RÎA ÛVORO MWARO

⁴² Vîndî îrîa kamwana kau kaathiîte kûrî Jesû, ngoma îo nîyakagwîthirie nthî, nako gakîambîrîria gwikia nthari. Nwatî Jesû nîwakaanirie ngoma îo, agîcoka akîvonia kamwana kau na agîkanenganîra kûrî îthe.

Luka 9:42 ပူးပေါင်းရင်းမြစ်များ

1Atha 17:23

Elija nîwocire kaana kau na akînyûrûrûka nako kuuma ngorovarî na agîkanenganîra kûrî ng'ina na akîmwîra atîrî, “Taroria, mûvîcîguo arî mwoyo!”

2Atha 4:36

Elisha nîwetire Gehazi na akîmwîra atîrî, “Îta mûndûmûka ûcio Mûshunemu.” Nake nîwamwîtire. Rîrîa aathiîre varî ke kûu nyomba, Elisha nîwamwîrire atîrî, “Oca mûvîcîguo.”

Maariko 9:20

Nao nîmaavirire kamwana kau kûrî Jesû. Na rîrîa ngoma îo yonire Jesû, nîyakainainirie na vinya mûno nako gakîgwa nthî, gakîgaragara na gakîambîrîria kûruta mûvûû kanyuarî ga ko.

Luka 7:15

Nako kamwana kau nîkaaramûkire, gagîkara nthî na gakîambîrîria kwaria. Nake Jesû nîwacokire agîkanenganîra kûrî ng'ina.

Luka 9:39

Mavinda mamwe ngoma nthûku nîîmûnyitaga, nake agakaa wa rîmwe. Nayo ngoma îo nîtûmaga ke aikie nthari nginya akambîrîria kûruta mûvûû kanyuarî gake. Ngoma îo nîîcokaga îkauma kûrî ke kavora, nwatî rîrîa yauma nî îmûtigaga atuîkangîte.

Luka 9:41

Jesû nîwacokirie atîrî, “Mue rûciaro rûrû rûtetîkîtie na rwîvia! Nîmbîkarania namue nginya rî? Na nîmûkirîrîria nginya rî?” Nake Jesû nîwacokire akîîra mûndû ûcio atîrî, “Rete mûvîcîguo ava!”

Luka 9:43

Nao andû onthe nîmaamakire nîûndû wa ûvoti mûnene wa Ngai. Vîndî îrîa andû onthe maamakîte nîûndû wa maûndû monthe marîa Jesû eekaga, nîwerire arutwa ake atîrî,

Johana 6:19

Na vîndî îrîa arutwa maathiîte rûgendo rwa kilomita ta ithano kana ithathatû marî îtarûrî, nîmoonire Jesû athiîrîrîte manjîrî îgûrû na erekerete na kûrîa maarî. Nao nîmaamakire mûno.

Ciîko 9:41

Nake Petero nîwamûnengererie njara na akîmûtethia kûrûngama. Nîwacokire agîîta etîkia na aka a ndigwa na akîmûnenganîra kûrî o arî mwoyo.

Kûguû 12:12

Kwoguo kenani mue muonthe arîa mûtûûraga îgûrû! Nwatî kaî arîa matûûraga gûkû nthî na îriarî nîmakethîrwa na thîna-î! Nîûndû Ngoma nîanyûrûrûkîte kûrî mue. Ke nî mwîcûre nî marakara, nîûndû nîaicî atî kavinda gake karîa gatigarîte nî kanini.”