Luka 9:41 - ÎVUKU RÎA ÛVORO MWARO

⁴¹ Jesû nîwacokirie atîrî, “Mue rûciaro rûrû rûtetîkîtie na rwîvia! Nîmbîkarania namue nginya rî? Na nîmûkirîrîria nginya rî?” Nake Jesû nîwacokire akîîra mûndû ûcio atîrî, “Rete mûvîcîguo ava!”

Luka 9:41 ပူးပေါင်းရင်းမြစ်များ

2Atha 5:8

Nwatî rîrîa mûrathi Elisha eegwire atî mûthamaki wa Isiraeli nîatembûrangîte nguo ciake, nîwatûmanire kûrî ke akerwe atîrî, “Ûrakarîtue ûguo nî ndûî? Mwîre aûke kûrî nie wa rîu na nîakûmenya atî gûkû Isiraeli kûrî na mûrathi!”

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Ntha 16:28

Nake Ngai-Mûnene nîwerire Musa atîrî, “Nîmûtûûra mûregete kwathîkîra maathani na mawatho makwa nginya rî?

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ndari 14:27

“Nî nginya rî andû aya aganu magûtûûra matetaga nîûndû wakwa? Nîmbîguîte ûrîa andû a Isiraeli methîrîtwe magîteta nîûndû wakwa!”

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Mathaayo 12:39

Nwatî Jesû nîwamacokerie atîrî, “Na kaî andû a rûciaro rûrû nîacûku na matiîtîkitie Ngai-î! Na mûkînambûria nîmûringîre Kîamma? Gûtirî Kîamma mûngîringîrwa tiga wa Kîamma kîrîa Ngai aaringîre mûrathi Jona.

Mathaayo 12:45

Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”

Mathaayo 16:4

Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî.

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Mathaayo 23:36

Nie nîramwîra nama atî, andû a rûciaro rûrû nîmakaaverithua nîûndû wa maûndû mau monthe macûku, marîa mue na methe menyu mwaneka!

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Maariko 10:14

Rîrîa Jesû oonire ûguo nîwarakarire na akîîra arutwa ake atîrî, “Îtîkîriani twana tûke kûrî nie, tigani gûtûgiria, nîûndû Ûthamaki wa Ngai nî wa arîa mekariî ta tuo.

Maariko 10:49

Jesû nîwarûngamire na akîmeera atîrî, “Mwîteni.” Kwoguo nîmeetire mûtumumu ûcio na makîmwîra atîrî, “Îyûmîrîrie ûûkîre nîûndû Jesû nîaragwîta.”

Maariko 9:19

Nake Jesû nîwamerire atîrî, “Na kaî mue andû a rûciaro rûrû mûtiîtîkîtie-î! Nîmbîkarania namue nginya rî? Nînîmûkirîrîria nginya-rî? Ndetereni kamwana kau!”

Luka 8:25

Jesû nî wacokire akîûria arutwa ake atîrî, “Mûregete kûgîa na wîtîkio nîkî?” Nao nî maamakire, makîgua guoya na makîambîrîria kûrania atîrî, “We! Kaî mûndû ûyû arî ke û? Ke aratha rûkûngi wana manjî, nacio ikamwathîkîra?”

Luka 9:40

Nie nînthaithire arutwa aku mamîrutûrûre, nwatî matinavota.”

Luka 9:42

Vîndî îrîa kamwana kau kaathiîte kûrî Jesû, ngoma îo nîyakagwîthirie nthî, nako gakîambîrîria gwikia nthari. Nwatî Jesû nîwakaanirie ngoma îo, agîcoka akîvonia kamwana kau na agîkanenganîra kûrî îthe.

Johana 14:9

Jesû nîwamûcokerie atîrî, “Filipu, ndûûranîtie namue muonthe kavinda karaca ûguo na atî we ndûrî mûûmenyu? Mûndû wa wonthe ûmonete, nîmwonu Vava. Nîndûî kîratûma ûmbîre, ‘Twonie Vava?’

Johana 20:27

Nake nîwacokire akîra Toma atîrî, “Vutia irema ino na Kîamra gîaku, na ûrorie njara ciakwa. Ta vutia mbaru ciakwa. Thirwa nî nganja na wîtîkie!”

Ciîko 13:18

na kwa îvinda rîa mîaka mîrongo îna akîmamenyerera werûrî.

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Gûco 32:5

Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Ahib 3:19

Kwoguo nîtûrona atî matiavota gûtonya vûrûri ûcio nîûndû matietîkia.

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

Ahib 4:2

Nîûndû nîtwavunjîrue Ûvoro Mwaro wata ûrîa andû arîa maarî werûrî maavunjîrue. Nwatî ndûmîrîri îo meeguire ndîamatethia, nîûndû maamîamûkîre matarî na wîtîkio.

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.