Luka 9:35 - ÎVUKU RÎA ÛVORO MWARO

³⁵ Naguo mûgambo nîwaumire îtuurî rîu ûkiugaga atîrî, “Ûyû nîke Mûrû wakwa ûrîa nîthuurîrîte, mûthikagîrîrieni!”

Luka 9:35 ပူးပေါင်းရင်းမြစ်များ

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Mathaayo 12:18

“Taroriani ndungata yakwa îrîa nie nîthuurîrîte, nîo mendete na nîngenaga nî yo. Nîngaamîva roho wakwa, nayo nîîkamenyithia andû a ndûrîrî îtuîro rîakwa.

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Maariko 1:11

Naguo mûgambo nîwaumire îgûrû ûkiuga atîrî, “We nîwe Mûrû wakwa ûrîa mendete, nîrîmûkenie mûno nîwe.”

Luka 3:22

na Roho Mûtheru akîmûnyûrûrûkîra ekariî ta ndutuura. Naguo mûgambo nîwaumire na îgûrû ûkiugaga atîrî, “We nîwe Mûrû wakwa ûrîa mendete; nie nîngenetue nîwe.”

Luka 9:34

Vîndî wa îo Petero wa aaragia, îtu nîrîaumîrire na rîkîmakunîkîra na kîruru Kîam rîo, na nî ûndû wa ûguo, arutwa nîmaagîre na guoya nyîngî.

Johana 12:28

Vava goocithia rîîtwa rîaku!” Naguo mûgambo nîwacokire ûkiuma îgûrû ûkiuga atîrî, “Nînîrîgoocithîtie na nwa ngûrîgoocithia wa rîngî.”

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 3:15

Nîûndû Mandîko Matheru maugîte atîrî: “Ûmûnthî mûngîgua mûgambo wa Ngai, mûtikaaûmie ngoro cienyu, ta ûrîa methe menyu meekire rîrîa maareganire na Ngai.”

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.