Luka 9:32 - ÎVUKU RÎA ÛVORO MWARO

³² Nake Petero vamwe na andû aîrî arîa maarî nake maarî toro, nwatî vîndî îo nîmaaramûkire na makîona Jesû arî na riiri na andû aîrî marûngamîte vamwe nake.

Luka 9:32 ပူးပေါင်းရင်းမြစ်များ

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Danieli 10:9

Na rîrîa neguire mûgambo wake nînaarivanire nthî na ngîkara vo ndurumithîtie ûthiû nthî ndakwîîgua.

Danieli 8:18

“Na vîndî îo aambaragîria, nînaagwîre nthî na ngîgirîka, nwatî nîwanyitire akîmbûkîrîria na ngîrûngama na magûrû makwa.

Maariko 14:40

Rîrîa aacokire rîngî varîa arutwa maarî, nîwamethîrîrie marî toro, nîûndû matingîavotire gwîkara maraûkîtie. Nao nîmaarigirwe nî ûrîa makûmûcokeria.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

2Pet 1:16

Vîndî îrîa tue twamûmenyithirie ûvoro wîgiî gûka kwa Mwathani wetû Jesû Kristû arî na ûvoti mûnene, tî ng'ano cia gwîtungîra twamûganagîra. Nwatî nîtweyonere ûnene wake na metho metû.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.