Luka 9:26 - ÎVUKU RÎA ÛVORO MWARO

²⁶ Mûndû wa wonthe ûconokaga nîûndû wakwa na nîûndû wa ndûmîrîri yakwa, ûcio nî agaaconokerwa nî Mûrû wa Mûndû rîrîa ke agaaûka na riiri wake, wa vamwe na riiri wa îthe na wa araika atheru.

Luka 9:26 ပူးပေါင်းရင်းမြစ်များ

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Johana 12:43

O meendete gûkumua nî andû makîria ya ûrîa meendete gûkumua nî Ngai.

Johana 5:44

Mue mûcaragia ngumo kuuma kûrî andû arîa engî, nwatî mûtigeragia kûgîa na ngumo kuuma kûrî ûrîa arîke Ngai.

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

Agal 6:14

Nie vakwa ngetîîaga nîûndû wa mûtharava wa Mwathani wetû Jesû Kristû. Nîûndû na njîra ya gîkuû Kîam Jesû Kristû mûtharavarî, kûrî nie maûndû ma nthî îno nî ta makuîte na nie mvana ta mûndû mûkuû maûndûrî ma nthî.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

Ahib 11:26

Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.