Luka 9:18 - ÎVUKU RÎA ÛVORO MWARO

¹⁸ Mûthenya ûmwe rîrîa Jesû aavoyaga arî wenga, arutwa ake nîmaathiîre kûrî ke, nake akîmaûria atîrî, “Andû maugaga nie nîrî û?”

Luka 9:18 ပူးပေါင်းရင်းမြစ်များ

Mathaayo 14:23

Vuva wa kûrekereria kîrîndî, Jesû nîwaunûkirie kîrîmarî arî wenga kûvoya. Na kîvwaî gîakinya, Jesû aarî kîrîmarî arî wenga.

Mathaayo 26:36

Nake Jesû na arutwa ake nîmaacokire makîthiî vandû vetagwa Gethisemane na akîmeera atîrî, “Îkarani ava kamwerua nthiî vaarîa ngavoe.”

Luka 11:1

Vîndî îmwe Jesû aarî vandû akîvoya. Na rîrîa aarîkirie kûvoya, mûrutwa ûmwe wake nîwamwîrire atîrî, “Mwathani, tûthomithie kûvoya ta ûrîa Johana aathomithirie arutwa ake.”

Luka 3:21

Rîrîa andû onthe maarîkirie kûvatithua, Jesû nîwacokire akîvatithua. Na vîndî îrîa avoyaga Ngai, îgûrû nîrîavingûkire

Luka 6:12

Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

Luka 9:19

Nao arutwa nîmaamûcokerie atîrî, “Andû amwe maugaga atî we nîwe Johana Mûvatithania, arîa engî makauga atî we nîwe Elija, nao engî makauga atî we ûrî mûrathi ûmwe wa arîa a tene ûriûkîte.”

Luka 9:28

Naguo mûthenya wa kanana kuuma Jesû aaria maûndû mau, nîwocire Petero, Johana na Jakuvu na makîambata kîrîmarî îgûrû kûvoya.

Luka 9:29

Vîndî îrîa Jesû aavoyaga, ûthiû wake nîwagarûrûkire, na nguo ciake nacio ikîambîrîria gûkengakenga.