Luka 8:47 - ÎVUKU RÎA ÛVORO MWARO

⁴⁷ Rîrîa mûndûmûka ûcio oonire atî nîwamenyeka, nîwaumîrire akinainaga na akîgwîthia vau nthî magûrûrî ma Jesû. Mûndûmûka ûcio arî vau mbere ya andû onthe, nîwaumbûrire gîtûmi Kîam amûvutie na ûrîa ke aavonirue wa rîmwe.

Luka 8:47 ပူးပေါင်းရင်းမြစ်များ

Thaburi 2:11

Goocagani Ngai-Mûnene na gîtîîo mûkinainaga,

Thaburi 38:9

We Mwathani, nîwicî maûndû monthe marîa mendaga; we nîwîgucaga gûcaa gwakwa kuonthe.

Thaburi 66:16

Mue muonthe mwîtigîrîte Ngai, ûkani mûnthikîrîrie, na nîngûmwîra ûrîa ambîkîte.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Hosea 5:3

Nîmbicî andû a Efiraimu, andû a Isiraeli matingînîthitha. Mue andû a Efiraimu nîmwîkîte maûndû ma ûtharia, andû onthe a Isiraeli nîmegwatîtie mûgiro.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Mathaayo 28:8

Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.

Maariko 5:33

Na nîûndû mûndûmûka ûcio nîwamenyaga ûndû ûrîa wekîkîte kûrî ke, nîwaumire akinainaga nîûndû wa guoya agîîtungumania nthî mbere ya Jesû na akîmwîra ûma wonthe.

Luka 8:46

Nwatî Jesû nîwareganire nake na akiuga atîrî, “Maveeni! Kûrî na mûndû wamvutia, nîûndû nie nînegua vinya yauma kûrî nie.”

Luka 8:48

Nake Jesû nîwamwîrire atîrî, “Mwarîwa, gwîtîkia gwaku nîkuo gwatûma ûvone. Thiî na thayû.”

Ciîko 16:29

Nake mûrangîri ûcio wa njeera nîwetirie taa, agîtonya ndaarî avinyûrîte, na akinainaga nî guoya, nîwegwîthirie magûrûrî ma Paûlo na Sailasi.

1Akor 2:3

Kwoguo rîrîa naûkire kûrî mue, ndiarî na vinya na nînatetemaga nîûndû wa guoya.

2Akor 7:15

Nîûndû wa ûguo wendo wake kûrî mue nîûthiîte ûkîgîcaga vinya makîria aririkana ûrîa mue muonthe mwevarîrîtie kwathîkîra kîrîra gîake. Wana nîmwamûnyitire ûgeni mûrî na gîtîîo kînene.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”