Luka 8:35 - ÎVUKU RÎA ÛVORO MWARO

³⁵ Nao andû nîmaaumire mîciî kwao na makîthiî kwîyonera maûndû marîa meekîkîte. Na rîrîa andû acio maakinyire kûrî Jesû nî meegwire guoya nîûndû nîmeethîrîrie mûndû ûcio warutîtwe ngoma ekarîte nthî magûrûrî ma Jesû, ekîrîte nguo na arî na kîongo Kîamro.

Luka 8:35 ပူးပေါင်းရင်းမြစ်များ

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Isaia 53:12

Kwoguo nîngaava ndungata yakwa gîtîîo ta Kîam anene, na magaane indo irîa itavîtwe na arîa marî vinya, nîûndû nîyevecanire îkue, na îgîtaranîrua na imaramari. Kûnarî ûguo, nîwakuuire mevia ma andû eengî, na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Maariko 5:15

Rîrîa maakinyire kûrî Jesû, nîmoonire mûndû ûcio wethîrîtwe arî na ngoma ekarîte vau nthî ekîrîte nguo na arî na kîongo Kîamro. Nao andû acio nîmaanyitirwe nî guoya.

Luka 10:39

Nake Maritha aarî na mwarî wa ng'ina wetagwa Mariamu. Mariamu nîwekarire nthî vakuvî na Jesû na akîambîrîria kûmûthikîrîria akîaria.

Luka 15:17

Na mûthiiarî, mwanake ûcio nîwakirire na agîîciria atîrî, ‘Andû onthe arîa marutaga wîra kwa vava marîcaga, makavaa na magatigaria, nwatî nie nîrakuîra gûkû nî yûra.

Luka 2:46

Vuva wa mîthenya îthatû, nîmaamwîthîrîrie hekarûrî ekarîte nthî vamwe na arimû a Ayahudi. Nake nîwathikîrîrîtie arimû acio na akamaûragia ciûria.

Luka 8:27

Rîrîa Jesû aaumire îtarûrî na agîkinya nthî nyûmû, nîwatûngirwe nî mûndû warî na ngoma wa kuuma îtûûrarî rîu. Mûndû ûcio eekaraga arî njaga na ndaatûûraga mûciî, nwatî aatûûraga kûrîa mbîrîra ciarî.

Luka 8:34

Rîrîa arîthi a ngûrwe icio moonire ûguo nîmaaûrire na makîthiî gûtambia ûvoro ûcio matûûrarî wana mîgûndarî.

Ciîko 22:3

“Nie nîrî Mûyahudi, na naaciarîrwe Tariso vûrûrirî wa Kilikia, nwatî ngîrererwa gûkû îtûûrarî rîîrî rîa Jerusalemu. Gamalieli nîke wanthomithirie. Ke nîwanthomithirie na njîra îno mbîcûru viû ûvororî wîgiî Watho wa methe metû ma tene. Nie nînatungatagîra Ngai nîrî na kîîo kîîngî mûno wa tamue muonthe arîa mûrî ava ûmûnthî.

1Joh 3:8

Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.