Luka 8:13 - ÎVUKU RÎA ÛVORO MWARO

¹³ Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Luka 8:13 ပူးပေါင်းရင်းမြစ်များ

Ayubu 19:28

Mue nwa mwîyûrie atîrî, “Tûngîmûnyarira atîa, na nîke kaumo ka mînyamaaro yake.”

Nthi 12:12

Andû arîa aganu meriragîria maûndû marîa maumanaga na maûndû macûku, nwatî andû arîa athingu mevandaga ki.

Nthi 12:3

Waganu ndûtûmaga mûndû ekindîrie, nwatî andû arîa athingu mekaraga matakwenyenya.

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Ezek 33:32

Kûrî o wîkariî ta mûndû ûrî na mûgambo mwaro wa kwina nyîmbo cia gûkenia andû na akîvûraga kînanda waro mûno, nîûndû andû nîmegucaga ûrîa ûkuga, nwatî matiîkaga ûrîa wamera.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Luka 8:12

Mbeû irîa ciagwîre gacîrarî nî andû arîa megucaga ndûmîrîri ya Ngai, nwatî Ngoma akathiî kûrî o na akathengutia ndûmîrîri îo kuuma ngororî ciao nîguo matigetîkie na matikavonokue.

Luka 8:14

Nacio mbeû irîa ciagwîre mbîtîkîrarî ya mvîndî cia mîgua, nî andû arîa mathikagîrîria ndûmîrîri ya Ngai, nwatî waganu, ûtonga, na ikeno cia gûkû nthî ikathararia ndûmîrîri îo, na maciaro mayo makarega gûkûra.

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

1Akor 15:2

Ûvoro ûcio nîguo ûtûmaga mûvonokue ethîrwa nîmûkûthiî na mbere kûwîtîkia. Ethîrwa tî mwîka ûguo, gwîtîkia kwenyu kwarî kwa mana.

Agal 3:1

Mue Agalatia aya aritu! Nû wamûrogire? Nîmwataarîrue waro ûrîa Kristû aakwire arî mûtharavarî.

Agal 3:4

Nîkwa maûndû monthe marîa mwemenyeretie maatuîkire ma mana? Ngwîvoka matiarî ma mana.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 2:7

Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.

1Ath 3:5

Nîûndû wa ûguo rîrîa naaremirwe nî kûmîrîria makîria nînaatûmire Timotheo nîguo amenye ûvoro wîgiî wîtîkio wenyu. Nînetigagîra Ngoma ndakethîrwe nîwamûgeririe na wîra wetû wonthe wîthîrwe warî wa mana.

1Tim 1:19

Îthagîrwa ûrî na wîtîkio na thamiri mbaro. Andû amwe matithikagîrîria thamiri ciao na nîmatete wîtîkio wao.

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

Jakuvu 2:26

Kwoguo, wata ûrîa mwîrî ûtarî na mîvevû wîthagîrwa ûrî mûkuû, nwa ta guo wîtîkio ûtarî na ciîko wîthagîrwa ûrî mûkuû.

2Pet 2:20

Maavonokirue kuuma maûndûrî marîa macûku ma gûkû nthî na njîra ya kûmenya Mwathani na Mûvonokia wetû Jesû Kristû. Nwatî ethîrwa nîmagûcoka maûndûrî mau macûku na mavotwe nîmo, nîmethîrwa marî acûkîre mûno gûkîra ûrîa gwekariî vîndî yao ya mbere.

2Pet 2:22

Ûrîa meekire nîwonanirie atî nthimo nî cia ma irîa ciugaga atî: “Ngitî nîyo îcokagîra matavîka mayo” na “Ngûrwe wana îkathambua îcokaga kwîgaragaria mûtondorî.”

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.