Luka 7:7 - ÎVUKU RÎA ÛVORO MWARO

⁷ Na kîu nîkîo gîtûmi kîrîa kîngiririe mbûke kûrî we. Nwatî we uga kiugo kîmwe tu, na ndungata yakwa nî îkûvona.

Luka 7:7 ပူးပေါင်းရင်းမြစ်များ

Thaburi 107:20

Nîwathanire na ûkîmavonia, na akîmavonokia matikathire.

Thaburi 33:9

Nîûndû aaririe na nthî îkîgîa kuo, aathanire na indo cionthe ikîgîa kuo.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Maariko 1:27

Nao andû onthe nîmaamakire na makîambîrîria kûrania atîrî, “Ûguo naguo-î nî atîa? Gîkî nakîo nîkwa gî kîthomo kîgeni? Mûndû ûyû aratha ngoma nacio ikamwathîkîra!”

Luka 4:36

Nao andû onthe nîmaamakire na makîrana atîrî, “Mûndû ûyû angîvota kwaria ûguo atîa? Nîûndû arî na vinya na ûvoti wa kwatha ngoma ciume kûrî mûndû.”

Luka 5:13

Nake Jesû nîwatambûrûkirie njara yake, akîmûvutia na akîmwîra atîrî, “Nie nîngwenda, ûrothera!” Nake Mûndû ûcio warwarîte mûrimû mûcûku wa ngothi nîwavonire wa rîmwe.

Luka 7:6

Kwoguo Jesû nîwathiîre vamwe na athuuri acio. Na vîndî îrîa aakinyire vakuvî na mûciî, mûnene ûcio nîwatûmire arata ake mathiî kûrî Jesû makamwîre atîrî, “Mwathani tiga kwîthînia nîûndû nie ndirî mwagîrîru wa gûkûnyita ûgeni gwakwa mûciî.

Luka 7:8

Nîûndû wa nanie nî mbathagwa, na ngacoka kwatha athigari akwa. Nî mbîîraga mûthigari ûmwe, ‘Thiî,’ nake akathiî, ngacoka ngera wîngî, ‘Ûka,’ nake agaûka. Na nginya ndungata yakwa nîmîraga, ‘Îka ûndû ûyû,’ nayo îgeka.”

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.