Luka 7:6 - ÎVUKU RÎA ÛVORO MWARO

⁶ Kwoguo Jesû nîwathiîre vamwe na athuuri acio. Na vîndî îrîa aakinyire vakuvî na mûciî, mûnene ûcio nîwatûmire arata ake mathiî kûrî Jesû makamwîre atîrî, “Mwathani tiga kwîthînia nîûndû nie ndirî mwagîrîru wa gûkûnyita ûgeni gwakwa mûciî.

Luka 7:6 ပူးပေါင်းရင်းမြစ်များ

Kîam 32:10

Ndirî mwagîrîru wanarî vanini wa kwonua wendo ûtathiraga na wîvokeku ûrîa ûmonetie nie ndungata yaku. Naaringire rûnjî rwa Jorodani nîrî na mûragi tu, na rîu naûka na ikundi igîrî.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Maariko 5:24

Nake Jesû nîwathiîre marî na Jairi. Nakîo kîrîndî kîîngî mûno nîkîamumire vuva kîmûvatîkîte.

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Luka 7:4

Rîrîa athuuri acio maakinyire varîa Jesû aarî, nîmaamûthaithire mûno makîmwîraga atîrî, “Nama mûndû ûyû nîmwagîrîru wa gûtethua nîwe,

Luka 7:5

nîûndû ke nîwendete andû etû na nîwatûtumîre îvoero.”

Luka 7:7

Na kîu nîkîo gîtûmi kîrîa kîngiririe mbûke kûrî we. Nwatî we uga kiugo kîmwe tu, na ndungata yakwa nî îkûvona.

Luka 8:49

Kavinda wa kau Jesû akîaragia, mûndû ûmwe ûrîa watûmîtwe kuuma kwa Jairû nîwakinyire na akîra Jairû atîrî, “Wana ûtangîtinda ûthînîtie mwarimû makîria nîûndû mwarîguo nîwakua.”

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Jakuvu 4:10

Îînyivieni mbere ya Mwathani, nake nîakûmûnenevia.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”