Luka 7:44 - ÎVUKU RÎA ÛVORO MWARO

⁴⁴ Nake Jesû nîwacokerie Simoni atîrî, “We nîwaria ma.” Nîwacokire akîvûgûkîra mûndûmûka ûcio na akîîra Simoni atîrî, “Simoni nî ûrona mûndûmûka ûyû? Nie mbûkire na natonya gûkû gwaku nyomba, na ndûnamva manjî ma kwîthambia magûrû. Nwatî ke aconja magûrû makwa na methori make na acoka angiria methori mau na njuîrî ciake.

Luka 7:44 ပူးပေါင်းရင်းမြစ်များ

Kîam 18:4

Tigani nîmûretere manjî mwîthambie magûrû na mûvurûke rungu rwa mûtî ûyû.

Kîam 19:2

na akiuga atîrî, “Athi akwa, nie nîrî ava nîguo nîmûtungatîre. Nîramûthaitha mûtonye gwakwa nyomba, mwîthambie magûrû na mûrarîrîre. Kîraûko gwakîa nîmûkaaramûka mûthiî.” Nwatî nîmaacokerie Loti atîrî, “Naarî, tue nîtûrara gûkû nja kîvarorî.”

Kîam 43:24

Ndungata îo nîyavirire anake acio a îthe ûmwe mûciî kwa Josefu. Nîyamavere manjî nîguo methambe magûrû, na akîva mvunda ciao irio.

2Sam 11:8

Nîwacokire akîîra Uria atîrî, “Thiî gwaku mûciî wambe ûkanogoke vanini.” Nake Uria nîwaumire nyombarî ya mûthamaki na akîthiî. Daudi nîwacokire akîmûtûmîra kîveo gwake mûciî.

Luka 7:38

Nake mûndûmûka ûcio nîwaturirie maru vakuvî na magûrû ma Jesû akîambîrîria kûrîra, na methori marîa maaumaga akîrîra nîmeetîkîre na magîconja magûrû ma Jesû. Nake mûndûmûka ûcio nîwagiririe methori mau na njuîrî ciake, agîcoka akîmumunya magûrû na akîmavaka maguta.

Luka 7:43

Nake Simoni nîwacokerie Jesû atîrî, “Nie nîreciria mûndû ûcio wacamîrwe mbeca irîa ciarî nyîngî nîke wendire mûndû ûcio wamakovithîtie mbeca makîria.”

Johana 13:5

Nîwacokire agîkîra manjî kîraîrî na akîambîrîria kûthambia arutwa ake magûrû akîmagiragia na taurû îo eeyovete kîûnûrî.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

Jakuvu 2:6

Nwatî mûtitîîaga arîa athîni. Na kinthî itonga tîcio imûkinyagîrîria? Na kinthî twacio imûviraga îgootirî?

Atir 19:21

Kwoguo mûthuuri ûcio nîwathiîre nao gwake mûciî na akîva mvunda ciao irio. Ageni acio nîmeethambirie magûrû, makîrîa irio na makînyua.

1Sam 25:41

Abigaeli nîwenamîrîrie ûthiû wake nthî na akiuga atîrî, “Nie nîrî ndungata yake ya mûndûmûka na nînîvarîrîtie kûthambagia ndungata cia mwathi wakwa magûrû.”