Luka 7:37 - ÎVUKU RÎA ÛVORO MWARO

³⁷ Nakuo kwarî na mûndûmûka warî mwîvia îtûûrarî rîu. Rîrîa mûndûmûka ûcio eegwire atî Jesû aarî mûciî kwa Mûfarisai akîrîa irio, nîwathiîre kuo akuuîte mûcuva wîcûrîte maguta maanungaga waro ma kwîvaka.

Luka 7:37 ပူးပေါင်းရင်းမြစ်များ

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Luka 19:7

Nao andû onthe arîa moonire ûguo, nîmaanugunire makiuga atîrî, “Mûndû ûyû athiî mûciî kwa mwîvia gûtuîka mûgeni.”

Luka 5:30

Nao Afarisai amwe wana arimû a Watho arîa maarî a gîkundi Kîamo, nîmaanegenirie arutwa a Jesû makîmeeraga atîrî, “Nîndûî gîtûmaga mûrîcanîre na mûnyunyanîre na etia a mbeca cia gooti wa vamwe na evia?”

Luka 5:32

Nie ndiûkîte gwîta andû arîa athingu, nwatî mbûkîte gwîta evia nîguo merire.”

Luka 7:34

Nake Mûrû wa Mûndû aûka akîrîcaga na akînyunyaga mûkiuga atî, ‘Taroriani mûndû ûyû! Ke nîmûkoroku na nî mûrîu! Nî mûrata wa etia a mbeca cia gooti na wa evia arîa engî.’

Luka 7:36

Mûfarisai ûmwe nîwetîre Jesû irio. Rîrîa Jesû aathiîre mûciî kwa Mûfarisai ûcio, nîwekarire nthî na akîambîrîria kûrîa irio.

Johana 11:2

Mariamu nîke vuvarî wacokire gwîtîrîria Mwathani maguta maanungaga waro na akîmûgiria na njuîrî ciake. Mûrwang'ina Lazaro nîke warî mûrwaru.

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Johana 9:31

Tue nîtwîcî atî Ngai ndathikagîrîria evia, nwatî nîathikagîrîria mavoya ma andû arîa mamwîtigîrîte na mavingagia wendi wake.

Aroma 5:8

Nwatî Ngai nîwonanîtie ûrîa atwendete nîûndû Kristû nîwatûkuîrîre vîndî îrîa twarî evia.

1Tim 1:15

Ûvoro ûyû nî wa ma na nîwagîrîrwe nî gwîtîkîrwa nî andû onthe, atî Jesû Kristû aaûkire gûkû nthî kûvonokia evia. Nie nîrî mwîvia mûcûku mûno gatagatîrî kao.

1Tim 1:9

Nîmwîcî atî watho ndwatuirwe nîûndû wa andû arîa aro, nwatî watuirwe nî ûndû wa andû arîa maunaga watho, arîa aganu, arîa matecî Ngai, arîa evia, arîa matavoyaga Ngai na maragia ûcûku wake, arîa maûragaga aciari ao na aûragani.

1Pet 4:18

Wa ta ûrîa mandîko matheru maugîte: “Ethîrwa kûrî na vinya mûndû mûthingu kûvonoka rî; gûgaatuîkîka atîa kûrî arîa matarî na ûngai na mevagia?”