Luka 7:33 - ÎVUKU RÎA ÛVORO MWARO

³³ Nie namwîra ûguo nîûndû vîndî îrîa Johana Mûvatithania aaûkire na akîînyerekia kûrîa mîgate wana nginya kûnyua ndivei mwaugire atî, ‘Ke arî na ngoma!’

Luka 7:33 ပူးပေါင်းရင်းမြစ်များ

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 3:1

Kavindarî kau Johana Mûvatithania nîwathiîre werûrî wa Judea na akîambîrîria kûvunjia

Mathaayo 3:4

Johana eekagîra nguo yathondeketwe na guoya wa ngamîîra. Eeyovaga mûcivi wa rûûo kîûnûrî, na irio irîa aarîcaga ciarî ngige na ûûkî wa kîthaka.

Maariko 1:6

Johana eekîraga nguo yarûthîtwe na guoya wa ngamîîra na akeyovaga mûcivi wa rûo kîûnûrî. Irio ciake ciarî ngige na ûûkî wa kîthaka.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 7:32

Mekariî ta ciana ciîkarîte thokorî. Na gîkundi kîmwe gîa ciana icio gîkeraga kîrîa kîngî atîrî, ‘Tue twamwinîre nyîmbo cia ûviki, nwatî mûtieinia, tûgîcoka tûkîmwinîra nyîmbo cia kîeva, nwatî mûtiarîra!’

Luka 7:34

Nake Mûrû wa Mûndû aûka akîrîcaga na akînyunyaga mûkiuga atî, ‘Taroriani mûndû ûyû! Ke nîmûkoroku na nî mûrîu! Nî mûrata wa etia a mbeca cia gooti na wa evia arîa engî.’

Johana 10:20

Eengî gatagatîrî kao nîmaambîrîrie kuga atîrî, “Ke arî na ndaimono, na arî na ngoma! Mûramûthikîrîria nîkî?”

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”

Johana 8:52

Nao Ayahudi nîmaamwîrire atîrî, “Rîu nîtwamenya na ma atî we ûrî na ngoma! Iburahimu na arathi onthe nîmaakuire, nwatî we ûratwîra atî mûndû wa wonthe wathîkagîra ciugo ciaku ndagaakua.

Ciîko 2:13

Nwatî arîa engî nao makîmathekerera makîmeeraga atî, nî kûrîwa marîtwe nî ndivei ya kûvivwa warîo.