Luka 7:2 - ÎVUKU RÎA ÛVORO MWARO

² Vîndî îo mûnene ûmwe wa athigari îgana wa Kîîroma aarî na ndungata îmwe yake eendeete mûno. Na kavinda kau ndungata îo nîyarwarîte mûno îgakuvîvîria gûkua.

Luka 7:2 ပူးပေါင်းရင်းမြစ်များ

Kîam 24:27

na akiuga atîrî, “Ngai-Mûnene, Ngai wa Mwathi wakwa Iburahimu arokumua. Ke arî wendo ûtathiraga na nî mwîvokeku ûvororî wîgiî kîîranîro gîake na mwathi wakwa. Ngai-Mûnene nîandongoretie nginya ngakinya kwa andû a mwathi wakwa.”

Kîam 35:8

Debora ûrîa warerire Rebeka nîwakwire na akîthikwa rungu rwa mûtî wa mûvuru mwena wa îveti wa Betheli. Kwoguo mûtî ûcio nîwetirwe Aloni-bakuthi.

Ayubu 31:5

Ethîrwa ndûûraga mvenanagia, na mvinyûraga kwaria ûthani;

Nthi 29:21

Mûndû ûrîa ûvecaga ndungata yake kîrîa kîonthe endaga kuuma arî mûnini, mûthiiarî ndungata îo nîîkaamûgaa.

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Luka 23:47

Vîndî îrîa mûnene wa athigari îgana oonire ûrîa gwekîka, nîwakumirie Ngai akiugaga atîrî, “Na ma mûndû ûyû ararî mûthingu!”

Luka 7:1

Rîrîa Jesû aarîkirie kwîra andû maûndû marîa monthe eendaga kûmeera, nîwacokire akîthiî îtûûrarî rîa Kaperinaumu.

Luka 7:3

Vîndî îrîa mûnene ûcio wa athigari îgana eegwire ngumo ya Jesû, nîwatûmire athuuri amwe a Ayahudi mathiî mete Jesû nîguo akavonie ndungata îo.

Luka 8:42

nîûndû mwîrîtu wake wa mûmwe warî na ûkûrû wa mîaka îkûmi na îrî, aarî vakuvî gûkua. Vîndî îrîa Jesû aarî njîrarî athiîte kwa Jairû mûciî, andû nîmaamûvatîkîte mîenarî yonthe.

Ciîko 10:1

Nakuo Kaisarea kwarî na mûndû ûmwe wetagwa Korinelio, warî mûnene wa athigari magana matandatû a mbûtû ya Roma îrîa yetagwa “Mbûtû ya Italia.”

Ciîko 10:7

Rîrîa mûraika ûcio warîrie Korinelio athiîre, Korinelio nîwetire ndungata ciake ciîrî na mûthigari ûmwe wetîkîtie Ngai mûno. Aametire kuuma gatagatîrî ka andû arîa maamûtungatagîra.

Ciîko 22:26

Rîrîa mûnene ûcio wa athigari îgana eegwire ûguo, nîwathiîre kûrî mûnene wa mbûtû ya athigari na akîmwîra atîrî, “We nîwîka atîa? Mûndû ûcio nî Mûûroma!”

Ciîko 23:17

Paûlo nîwacokire agîîta mûnene ûmwe wa athigari îgana na akîmwîra atîrî, “Tavira mwanake ûyû kûrî mûnene wa mbûtû ya athigari nîûndû arî na ûndû arenda kûmwîra.”

Ciîko 27:1

Nakuo nîgwatwirwe atî nîtwagîrîrwe nî gûtwa meri tûthiî Italia. Nake Paûlo na andû amwe arîa maarî ove njeera nîmaanenganîrwe kûrî Juliasi ûrîa warî mûnene wa mbûtû ya athigari a Roma îrîa yetagwa “Mbûtû ya Mûthamaki.”

Ciîko 27:3

Na mûthenya ûcio wîngî nîtwakinyire Sidoni. Na tûrî kûu Juliasi nîwatugire Paûlo waro mûno na a akîmwîtîkîria athiî kûrî arata ake nîguo avewe kîrîa aavatarîte.

Ciîko 27:43

Nwatî mûnene wa athigari îgana nîwendaga kûvonokia Paûlo ndakaûragwe, kwoguo ndaametîkîria mavingie mûvango ûcio wao. Vandû va ûguo nîwathire andû onthe arîa mangîavotire kûthambîra mambe marûge îriarî mathambîre mathiî nthî nyûmû.

Akol 3:22

Mue ngombo, athîkagîrani athani enyu a gûkû nthî maûndûrî monthe. Tigagani kûmathîkagîra wa rîrîa mamûroretie atî nîguo mamwende, nwatî mathîkagîreni mûrî na ngoro ntheru nîûndû nîmûtîîte Mwathani.