Luka 7:13 - ÎVUKU RÎA ÛVORO MWARO

¹³ Vîndî îrîa Mwathani oonire mûndûmûka ûcio, nîwamwîguîrîre ntha na akîmwîra atîrî, “Tiga kûrîra.”

Luka 7:13 ပူးပေါင်းရင်းမြစ်များ

Thaburi 103:13

Taûrîa ciana ciîgucagîrwa ntha nî îthe, nwaguo Ngai-Mûnene egucagîra arîa mamwîtigîrîte ntha.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Maariko 8:2

“Nie nînîreguîra andû aya ntha, nîûndû mbîthîrîtwe nao mîthenya îthatû, na rîu matirî na kîndû gîa kûrîa.

Luka 10:1

Vuva wa ûguo, Mwathani nîwathuurire andû engî mîrongo mûgwanja na aîrî, na akîmatûma aîrî aîrî mathiî mbere yake matûûrarî monthe na kûndû kuonthe kûrîa ke aageerie kûthiî.

Luka 11:1

Vîndî îmwe Jesû aarî vandû akîvoya. Na rîrîa aarîkirie kûvoya, mûrutwa ûmwe wake nîwamwîrire atîrî, “Mwathani, tûthomithie kûvoya ta ûrîa Johana aathomithirie arutwa ake.”

Luka 11:39

Jesû nîwamwîrire atîrî, “Mue Afarisai aya! Mûthambagia ikombe na thaani cienyu îgûrû, nwatî ngororî cienyu mwîcûrîtwe nî ûkoroku na waganu.

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Luka 13:15

Nake Mwathani nîwamûcokerie atîrî, “Mue mvinga ino! Kûrî mûndû wana ûmwe gatagatîrî kenyu ûtathaûraga ng'ombe kana mvunda yake nîguo amîvire îthiî îkanyue manjî mûthenya wa thavatû?

Luka 17:5

Nao atûmwa nîmeerire Mwathani atîrî, “Twongerere wîtîkio!”

Luka 17:6

Nake Mwathani nîwamacokerie atîrî, “Angîthîrwa mûrî na wîtîkio wîgana ta mvîndî ya mûtî wa karatarî, nwa mwîre mûkûyû ûyû atîrî, ‘Îîkûûre na wîvande îriarî!’ Naguo nwa ûmwathîkîre.

Luka 18:6

Nake Mwathani nîwathiîre na mbere kuga atîrî, “Nîmwegua ûrîa mûcirithania ûcio ûtaarî mûthingu aaugire?

Luka 19:8

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”

Luka 22:61

Nake Mwathani nîwavûgûkire na akîroria Petero. Petero nîwacokire akîririkana ciugo irîa Mwathani aamwîrîte atî: “Mbere ya ngûkû îgambe ûtukû wa ûmûnthî, nîûkwîthîrwa ugîte maita mathatû atî we ndûmbîcî.”

Luka 24:3

Nwatî rîrîa maagukumire kûu mbîrîrarî matiethîra mwîrî wa Mwathani Jesû.

Luka 24:34

makiugaga atîrî, “Nî ma Mwathani nî mûriûku! Ke nîwîyonithanîtie kûrî Simoni!”

Luka 7:12

Nake mûndû ûcio wakuîte aarî mwana wa mûmwe wa mûndûmûka wa ndigwa. Na andû eengî a kuuma îtûûrarî rîu nîmaathiîte na mûndûmûka ûcio mathikorî mau.

Luka 7:14

Jesû nîwacokire akîthiî na akîvutia îthandûkû rîa mûndû ûcio wakuîte na andû arîa maarîkuuîte makîrûngama. Nake Jesû akiuga atîrî, “Kamwana gaka nie nakwîra ûramûke.”

Luka 7:19

na akîmatûma mathiî kûrî Mwathani makamûûrie atîrî, “We nîwe ûrîa Johana aaugire nîûgûka kana nîkwa tûgweterera wîngî?”

Luka 8:52

Nao andû onthe arîa maarî kuo nîmaarîraga marî na kîeva nîûndû wa gûtigwa nî mwîrîtu ûcio. Nake Jesû nîwerire andû acio atîrî, “Tigani kûrîra nîûndû mwîrîtu ûyû tî mûkuû, nîkwa amamîte.”

Johana 11:2

Mariamu nîke vuvarî wacokire gwîtîrîria Mwathani maguta maanungaga waro na akîmûgiria na njuîrî ciake. Mûrwang'ina Lazaro nîke warî mûrwaru.

Johana 11:3

Kwoguo Mariamu na Maritha nîmaatûmanire Jesû akeerwe atîrî, “Mwathani, mûrata waku nîmûrwaru.”

Johana 20:13

Nao nîmaamûririe atîrî, “Mûndûmûka ûyû ûrarîra nîkî?” Nake nîwamacokerie atîrî, “Nîûndû nîmakuuire Mwathani wakwa, na rîu ndiîcî varîa mamwigîte!”

Johana 20:15

Nake Jesû nîwamûûririe atîrî, “Mûndûmûka ûyû, ûrarîra nîkî? Nû ûracaria?” Mariamu eeciragia mûndû ûcio nîke warî mwene mûgûnda na kwoguo nîwamwîrire atîrî, “Mûthuuri ûyû, ethîrwa we nîwe ûmwocire, mbîra kûrîa ûmwigîte na nîngûthiî kûmûgîra.”

Johana 4:1

Jesû nîwamenyire atî Afarisai nîmeguîte atî ke nîwagîcaga na akavatithia arutwa eengî gûkîra Johana.

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

1Akor 7:30

Andû arîa marî na kîeva magîrîrwe nî gwîkara takwa matarî na kîeva. Andû arîa marakûngûîra magîrîrwe nî gwîkara takwa matarakûngûîra. Andû arîa maragûra indo magîrîrwe nî gwîkara takwa matarî na indo.

1Ath 4:13

Ariû na aarî a îthe wetû, nîtûkwenda mûmenye ûma wîgiî andû arîa makuîte, nîguo mûtikagîe na kîeva ta andû arîa matarî na kîîrîgîrîro.

Ahib 2:17

Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.