Luka 7:12 - ÎVUKU RÎA ÛVORO MWARO

¹² Nake mûndû ûcio wakuîte aarî mwana wa mûmwe wa mûndûmûka wa ndigwa. Na andû eengî a kuuma îtûûrarî rîu nîmaathiîte na mûndûmûka ûcio mathikorî mau.

Luka 7:12 ပူးပေါင်းရင်းမြစ်များ

Kîam 22:12

Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

Kîam 22:2

Nake Ngai nîwamwîrire atîrî, “Oca Isaka mwana waku wa kîmomwe ûrîa wendete mûno, na mûthiî nake vûrûrirî wa Moria. Thiî kîrîmarî kîrîa ngaakwonia na ûrute Isaka arî îgongoona rîa kûvîvua.”

2Sam 14:7

Rîu mwathi wakwa, andû onthe a mûciî wetû nîarakaru nîûndû wakwa na marenda atî nîmanengere mûvîcîwa nîguo mamûûrage nîûndû wa kûûraga mûrwang'ina. Mangîka ûguo, nie nîngîtigwa ndarî na kavîcî. Mangîthiria kîîrîgîrîro gîakwa kîrîa gîtigarîte na magatiga mûthuuriwa atarî na kavîcî kangîgaatûma rîîtwa rîake rîririkanagwe.”

1Atha 17:12

Nake nîwacokirie atîrî, “Nie nevîta na Ngai-Mûnene, Ngai waku ûrîa ûtûûraga mwoyo, atî ndirî na mûgate. Nwa kamûtu kanini tu nîrî nako karî mbakûrirî na tûguta tûnini tûrî mûcuvarî, na rîu nîkwa nîrocania ngû nîguo nthiî ngaruge kamûtu kau tûrîe tûrî na mûvîcîwa tûcoke tûkue nîûndû tûtirî na irio ciîngî.”

1Atha 17:18

Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

1Atha 17:23

Elija nîwocire kaana kau na akînyûrûrûka nako kuuma ngorovarî na agîkanenganîra kûrî ng'ina na akîmwîra atîrî, “Taroria, mûvîcîguo arî mwoyo!”

1Atha 17:9

“Ûkîra na ûthiî îtûûrarî rîa Zarefathu, vakuvî na Sidoni na wîkare kuo. Nîmbathîte mûndûmûka wa ndigwa ûtûûraga kuo, namwîra akûvecage irio.”

2Atha 4:16

na Elisha nîwamwîrire atîrî, “Vîndî ta îno mwaka mûku nîûkethîrwa ûrî na kaana gaku ga kavîcî.” Nake mûndûmûka nîwaugire atîrî, “Ûûi! Naarî mwathi wakwa, mûndû wa Ngai tiga kûmveenia!”

2Atha 4:20

Ndungata nîyakuire kaana na îgîkavira kûrî ng'ina. Nake ng'ina nîwagekarîrie cierorî ciake nginya thaa thita cia mûthenya, gagîcoka gagîkua.

Ayubu 29:13

Arîa maarî vakuvî gûkua nîmaandathimire, nînatûmire mûndûmûka wa ndigwa ecûrwe nî gîkeno.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Luka 7:11

Vuva wa ûguo, Jesû nîwathiîre îtûûrarî rîetagwa Naini arî vamwe na arutwa ake na kîrîndî. Na vîndî îrîa aakuvîvîrie kîvingo Kîam îtûûra rîu, nîwatûnganire na andû makuuîte mwîrî wa mûndû mûkuû mathiîte kûûthika.

Luka 7:13

Vîndî îrîa Mwathani oonire mûndûmûka ûcio, nîwamwîguîrîre ntha na akîmwîra atîrî, “Tiga kûrîra.”

Luka 8:42

nîûndû mwîrîtu wake wa mûmwe warî na ûkûrû wa mîaka îkûmi na îrî, aarî vakuvî gûkua. Vîndî îrîa Jesû aarî njîrarî athiîte kwa Jairû mûciî, andû nîmaamûvatîkîte mîenarî yonthe.

Luka 8:52

Nao andû onthe arîa maarî kuo nîmaarîraga marî na kîeva nîûndû wa gûtigwa nî mwîrîtu ûcio. Nake Jesû nîwerire andû acio atîrî, “Tigani kûrîra nîûndû mwîrîtu ûyû tî mûkuû, nîkwa amamîte.”

Johana 11:19

na andû eengî kuuma Judea maarî athiîu kûmîrîria Maritha na Mariamu nîûndû wa gûkuîrwa nî mûrwang'ina.

Ciîko 9:39

Kwoguo Petero nîwaûkîrire na akîthiîcania nao. Na vîndî îrîa ke aakinyire kuo, etîkia nîmaamûvirire nyomba ya îgûrû. Nao aka a ndigwa nîmaathiûrûrûkîrie Petero makîrîraga, na makîmwonia cati na magooti marîa Dorokasi aatumîte rîrîa aarî mwoyo.

Ciîko 9:41

Nake Petero nîwamûnengererie njara na akîmûtethia kûrûngama. Nîwacokire agîîta etîkia na aka a ndigwa na akîmûnenganîra kûrî o arî mwoyo.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.