Luka 6:8 - ÎVUKU RÎA ÛVORO MWARO

⁸ Nwatî Jesû nîwamenyaga meciria mao, na kwoguo nîwerire mûndû ûcio wonjete njara yake atîrî, “Ûka na ûrûngame ava.” Mûndû ûcio nîwarûngamire na akiumîra vau mbere.

Luka 6:8 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

Ayubu 42:2

“Nîmbicî atî ûrî na ûvoti wa gwîka maûndû monthe, na gûtirî mûndû ûngîregana na wendi waku.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Mathaayo 9:4

Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Maariko 3:3

Nake Jesû nîwerire mûndû ûcio wonjete njara atîrî, “Umîra ava mbere.”

Luka 13:12

Rîrîa Jesû oonire mûndûmûka ûcio nîwamwîtire na akîmwîra atîrî, “We mûndûmûka ûyû, nîwavonua!”

Luka 5:22

Nake Jesû nîwamenyire meciria mao na akîmaûria atîrî,

Luka 6:9

Nake Jesû nîwamerire atîrî, “Nie nîrenda kûmûria watho wetû ûtwîtîkîrîtie twîkage atîa mûthenya wa thavatû? Ûtwîtîkîrîtie tûtethanagie kana tûnûvanage! Kûvonokia mwoyo wa mûndû kana gûûcûkangia?”

Johana 2:25

Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 26:26

Mûthamaki Angiripa! Nîrakwarîria nîrî na ûmîrîru, nîûndû we nîwîcî ûvoro wîgiî maûndû mama. Nîrî na ma atî we nîwîguîte ûvoro wîgiî maûndû mama monthe, nîûndû maûndû mama matiekagîrwa nthithorî.

Afil 1:28

Mûtigetigîre nthû cienyu. Îthagîrwani mûrî na ûmîrîru vingo cionthe. Mweka ûguo nîmûkwonia nthû cienyu atî itikaavootana, nwatî nîmûkaavootana nîûndû Ngai nîke ûtûmaga mûvootane.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.