Luka 6:7 - ÎVUKU RÎA ÛVORO MWARO

⁷ Nao arimû a Watho na Afarisai nîmaacaragia ûndû ûrîa mangîthitanga Jesû naguo na kwoguo nîmaamûtuîririe mûno nîguo moone kana nîakûvonania, mûthenya wa thavatû.

Luka 6:7 ပူးပေါင်းရင်းမြစ်များ

Thaburi 38:12

Andû arîa mendaga kûmbûraga nîmanyambagîra mîtego, arîa mendaga mone thîna mavangaga ûrîa makûnjûkangia, matitiganaga na mîvango ya kûmbûraga.

Isaia 29:21

Ngai nîagaacûkangia arîa marutaga ûira wa maveeni nîguo mûndû atuwe mwîvia, arîa mavîtithagia atucanîri ciira magootirî, na arîa maragia maveeni, nîguo maime arîa matarî na mavîtia kîvooto Kîamo.

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Mathaayo 5:39

Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Maariko 3:2

Nao andû amwe arîa maarî kuo nîmaatuîragia ûndû ûrîa mangîmûthitanga naguo. Nao nîmekarire mamûroretie mûno nîguo moone kana nîakûvonia mûndû ûcio mûthenya wa thavatû.

Luka 13:14

Nake mûnene wa îvoero rîu nîwarakarire nîûndû Jesû nîwavonanirie mûthenya wa thavatû, kwoguo nîwerire andû atîrî, “Twagîrîrwe nî kûruta wîra mîthenya îtandatû; kwoguo ûkagani mîthenyarî îo na mûkavonua, nwatî mûtigaûkage mûthenya wa thavatû!”

Luka 20:20

Kwoguo nîmaacaririe kamweke na makîvaka andû amwe nîguo metue athingu na makîmatûma magatuîrie ûrîa Jesû aaugaga na njîra ya ciûria nîguo mavote kûmûnenganîra kûrî mûnene ûrîa wamaathaga.

Johana 9:16

Nao Afarisai amwe nîmaaugire atîrî, “Mûndû ûrîa ûrekire ûguo ndaumîte kûrî Ngai, nîûndû ke ndathîkagîra watho wa thavatû.” Nwatî andû amwe nîmaaûririe atîrî, “Mûndû wîthîrîtwe arî mwîvia aravota atîa kûringa ciama ta ino?” Nao nîmaamûkanire.