Luka 6:44 - ÎVUKU RÎA ÛVORO MWARO

⁴⁴ Wa mûtî ûmenyekaga na maciaro ma guo. Nîûndû ngûyû ititucagwa mîtîrî ya mîgua kana thavibu ituuwe kaiavarî.

Luka 6:44 ပူးပေါင်းရင်းမြစ်များ

Mathaayo 12:33

“Vuithia mûtî namo maciaro maguo methîrwe marî maro, kana ûcûkie mûtî namo maciaro maguo methîrwe marî macûku. Mûtî ûmenyekaga na maciaro maguo.

Mathaayo 7:16

Mue mûkaamamenyaga na ciîko ciao. Mîtî ya mîgua nwa îciare thavibu, kana mîtongu îgaciara macuca?

Mathaayo 7:20

Kwoguo mûkaamenyaga arathi a maveeni na ciîko irîa mekaga.

Jakuvu 3:12

Ariû na aarî a îthe wetû, nwa kûvoteke mûkûyû ûciare ndamaiyû kana mûthavibu ûciare ngûyû? Naarî! Wana kîthima gîcûrîte manjî ma cumbî gîtingîtherûka manjî maro.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.