Luka 6:42 - ÎVUKU RÎA ÛVORO MWARO

⁴² Ûngîvota kwîra mûrûanyûkwe atî nîûkûmûruta kîvuti kîrîa kîrî riithorî rîake atîa, wa rîrîa we ûtangîvota kwona gîting'û kîrîa kîrî riithorî rîaku? We mvinga îno! Amba ûrute gîting'û kîrîa kîrî riithorî rîaku, nîguo ûvote kwona waro ûkîruta kîvuti kîrîa kîrî riithorî rîa mûrûanyûkwe!

Luka 6:42 ပူးပေါင်းရင်းမြစ်များ

Nthi 18:17

Mûndû ûrîa ûciiraga wenga ndavootagwa, nginya rîrîa akaambîrîria kûûrua ciûria nî mûmûthitangi.

Mathaayo 26:75

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Mathaayo 7:3

Nîndûî gîtûmaga wone kîvuti kîrîa kîrî rithorî rîa mûrwanyûkwe na ûkarega kwona gîting'û kîrîa kîrî rithorî rîaku?

Mathaayo 7:4

Na ûngîvota atîa kwîra mûrwanyûkwe ûmûrute kîvuti kîrîa kîrî rithorî rîake, rîrîa ûrî na gîting'û rithorî rîaku.

Luka 13:15

Nake Mwathani nîwamûcokerie atîrî, “Mue mvinga ino! Kûrî mûndû wana ûmwe gatagatîrî kenyu ûtathaûraga ng'ombe kana mvunda yake nîguo amîvire îthiî îkanyue manjî mûthenya wa thavatû?

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

Luka 6:41

“Nîndûî gîtûmaga wone kîvuti kîrîa kîrî riithorî rîa mûrûanyûkwe, nwatî ûkaremwa nî kwona gîting'û kîrîa kîrî riithorî rîaku?

Luka 6:43

“Gûtirî mûtî mwaro ûngîciara maciaro macûku kana mûtî mûcûku ûciare maciaro maro.

Ciîko 13:10

na akiuga atîrî, “We mûrû wa Ngoma! We wî nthû ya maûndû monthe megiî ûthingu. Wîcûrîtwe nî mîthemba yonthe ya mawara ma waganu. Vîndî cionthe we ndûtigaga kûng'otaria njîra irîa nûngarû cia Mwathani!

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 8:21

Na ma ûyû tîguo wîra waku, nîûndû ngoro yaku tî nûngarû methorî ma Ngai.

Aroma 2:1

Mûrata wakwa ethîrwa we nîûtucagîra andû arîa engî, ndûrî na kîîgwatio wana ethîrwa we nîwe û. Nîûndû rîrîa ûgûtuîra andû arîa engî ûgacoka ûgeka maûndû marîa maratûma ûmatuîre, nîwe mwene ûretuîra.

2Akor 5:18

Maûndû mama monthe mekîtwe nî Ngai ûrîa watwîguithanirie nake ke mwene na njîra ya Kristû, na agîtûva wîra wa kwîgwithanagia andû nake.

2Tim 2:21

Andû arîa metheragia kuuma kûrî maûndû monthe ma waganu, magaatûmagîrwa rîrîa kûrî na maûndû manene, nîûndû nîmeamûrîte magatuîka andû a vata kûrî mûmathi. Andû aya nîmevarîrîtie kûruta wîra wa wonthe mwaro.

2Pet 1:9

Nwatî mûndû wa wonthe ûtarî na maûndû mau nî mûtumumu, na nîmûriganîre atî nîwathambirue mevia make marîa aarî namo tene.