Luka 6:41 - ÎVUKU RÎA ÛVORO MWARO

⁴¹ “Nîndûî gîtûmaga wone kîvuti kîrîa kîrî riithorî rîa mûrûanyûkwe, nwatî ûkaremwa nî kwona gîting'û kîrîa kîrî riithorî rîaku?

Luka 6:41 ပူးပေါင်းရင်းမြစ်များ

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

1Maû 21:6

Nwatî Joabu ndaatara andû a mûvîrîga wa Lawi na wa Benjamini nîûndû ndaakena nî ûguo mûthamaki Daudi aamwathîte.

Thaburi 36:2

Nîûndû nîeciragia ûvoro wa ûrîa arî mwaro mûno, Ngai ndangîmenya mevia make na amûverithie.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Ezek 18:28

Ke nîecokerete na akagarûrûka kuuma kûrî maûndû marîa macûku eekîte. Na ma mûndû ûcio ndagaakua, nîagaatûûra mwoyo.

Mathaayo 7:1

“Mûtigatuîre andû arîa engî nîguo Ngai ndakamûtuîre.

Maariko 8:7

Nao arutwa maarî na nginya tûthamaki tûnini. Nake Jesû nîwatûrathimire na akîmeera magaîre andû.

Luka 6:40

Gûtirî mûrutwa ûngîneneva gûkîra mwarimû wake, nwatî mûrutwa wa wonthe angîthomithua viû atuîkaga ta mwarimû wake.

Luka 6:42

Ûngîvota kwîra mûrûanyûkwe atî nîûkûmûruta kîvuti kîrîa kîrî riithorî rîake atîa, wa rîrîa we ûtangîvota kwona gîting'û kîrîa kîrî riithorî rîaku? We mvinga îno! Amba ûrute gîting'û kîrîa kîrî riithorî rîaku, nîguo ûvote kwona waro ûkîruta kîvuti kîrîa kîrî riithorî rîa mûrûanyûkwe!

Johana 8:7

Rîrîa maakîrîrîrie kûria Jesû ciûria, Jesû nîwenamûkire na akîmeera atîrî, “Angîthîrwa kûrî na mûndû wana ûmwe gatagatîrî kenyu ûtaanevia nî ethîrwe arî wa mbere gwikia mûndûmûka ûyû îthiga.”

Aroma 2:1

Mûrata wakwa ethîrwa we nîûtucagîra andû arîa engî, ndûrî na kîîgwatio wana ethîrwa we nîwe û. Nîûndû rîrîa ûgûtuîra andû arîa engî ûgacoka ûgeka maûndû marîa maratûma ûmatuîre, nîwe mwene ûretuîra.

Jakuvu 1:24

Eroragia na akathiî akona ûrîa ke mwene ekariî na athiî wa rîmwe akariganîrwa nî ûrîa ekariî.