Luka 6:35 - ÎVUKU RÎA ÛVORO MWARO

³⁵ Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Luka 6:35 ပူးပေါင်းရင်းမြစ်များ

Thaburi 112:5

Kûrathimwa nî mûndû ûrîa akombithanagia indo ciake na ûtaana, ûrîa wîkaga maûndû make na njîra ya kîvooto.

Thaburi 145:9

Ngai-Mûnene nîekaga andû onthe waro, na nîegucagîra ciûmbe ciake cionthe ntha.

Thaburi 37:26

Vîndî cionthe mavecanaga makenete na magakombithania, na ciana ciao nî kîrathimo kûrî o.

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 22:9

Mûndû mûtana nîarathimagwa, nîûndû nîagaanaga irio ciake na athîni.

Mathaayo 5:9

Kûrathimwa nî arîa matethagîrîria arîa engî gwîkara na thayû, nîûndû nîmagetagwa ciana cia Ngai!

Maariko 5:7

Nake nîwacokire akiugîrîria akiugaga atîrî, “Jesû Mûriû wa Ngai ûrîa ûrî Îgûrû Mûno! Nîndûî ûrenda kuumana nanie? Nie nakûthaitha na rîîtwa rîa Ngai, ndûkamverithie!”

Luka 1:32

Nake nîagaatuîka mûndû mûnene na nîagetagwa Mûrû wa Ûrîa ûrî Îgûrû Mûno. Mwathani Ngai nîakaamûtua mûthamaki wata Daudi, îthe wake wa tene.

Luka 6:36

Kwoguo îgucanagîrani ntha wata ûrîa îthe wenyu amwîgucagîra ntha.

Johana 13:35

Mwekara mwendanîte, andû onthe makaamenyaga atî mûrî arutwa akwa.”

Johana 15:8

Mwagîa na maciaro meengî, mûkonekanaga mûrî arutwa akwa, na ûndû ûyû ûkaagoocithagia Vava.

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.