Luka 6:29 - ÎVUKU RÎA ÛVORO MWARO

²⁹ Mûndû angîgûcamûra rûvî rûthîa rwa mwena ûmwe, mûvûgûrîre wana rûu rwîngî arûcamûre. Na mûndû angîgûcuna îgooti rîaku, mwîtîkîrie oce nginya cati yaku.

Luka 6:29 ပူးပေါင်းရင်းမြစ်များ

2Sam 19:30

Nake Mefiboshethu nîwerire mûthamaki atîrî, “Tiga Ziba oce cionthe. Nîûndû mwathi wakwa, nie nîmbîganîrîte nî kwona atî nîwacoka mûciî ûrî na thayû.”

2Maû 18:23

Mûrathi Zedekia mûvîcî wa Kenaana nîwacokire akîthiî kûrî Mikaia na akîmûringa rûvî na akîmûria atîrî, “Nî kuuma rî roho wa Ngai-Mûnene aaumire kûrî nie na agîûka kwaria nawe?”

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Maca 3:30

Nwa nginya etîkîre kûrivwa na kûrumwa.

Mika 5:1

Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Mathaayo 26:67

Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Luka 22:64

Nîmaacokire makîmûmika metho na makîmûria atîrî, “Mûrathi ûyû, ta îcirîrie nû wakûringa!”

Luka 6:30

Mûndû wa wonthe angîkûvoya kîndû mûve, na mûndû wa wonthe angîgûcuna kîndû gîaku, ndûkamwîtie.

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”

Ciîko 23:2

Nake Anania ûrîa warî Mûthînjîri-Ngai ûrîa mûnene nîwathire andû arîa maarûngamîte vakuvî na Paûlo akîmeera maviûkie Paûlo rûvî rwa kanyua.

1Akor 4:11

Nginya îvindarî rîîrî tue nîtûvûtaga, tûkanyonda na tûgekîra matangari. Nîtûrivagwa na tûgatura ciîkaro.

1Akor 6:7

Kûvira nthitangano cienyu magootirî nîkwonanagia na ma atî mue nîmûremetwe viû. Wana tî kava mue mûvîtîrîtue kana mûcunîtwe?

2Akor 11:20

Mue nîmûkiragîrîria mûndû wa wonthe ûrîa ûmwathaga ta mûrî ngombo, kana ûmûvûthagîra naaî, kana ûmûveenagîrîria. Wana nîmûkiragîrîria mûndû ûrîa wîciragia atî nî mwaro kûmûkîra na ûrîa ûmûcamûraga rûvî.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.