Luka 6:14 - ÎVUKU RÎA ÛVORO MWARO

¹⁴ Nao maarî; Simoni (ûrîa aatuîrîre rîîtwa akîmwîta Petero), na mûrwang'ina Enderea; Jakuvu na mûrwang'ina Johana, Filipu, Batholomayo,

Luka 6:14 ပူးပေါင်းရင်းမြစ်များ

Mathaayo 10:2

Namo mama nîmo marîîtwa ma atûmwa acio îkûmi na aîrî: Simoni (ûrîa wîtagwa Petero), na mûrwang'ina Enderea, na ariû a Zebedii, Jakuvu na mûrwang'ina Johana;

Mathaayo 10:3

Filipu na Batholomayo; Toma na Mathaayo ûrîa warî mwîtia mbia cia gooti; Jakovu mûrû wa Alufayo, na Thadayo;

Mathaayo 4:18

Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.

Mathaayo 4:21

Nake Jesû auma vau, nîwonire arûme engî aîrî a ng'ina ûmwe, Johana na Jakuvu. Nao maarî îtarûrî vamwe na îthe wao wetagwa Zebedii, magîtuma neti ciao. Nake Jesû nîwametire.

Maariko 1:19

Nake Jesû athiîcathiîca vanini, nîwonire Jakuvu mûrû wa Zebedii, vamwe na mûrwang'ina wetagwa Johana marî gatarûrî magîtuma neti ciao.

Maariko 1:29

Jesû na arutwa ake nîmaaumire îvoerorî na magîtonya nyomba gwa Simoni na Enderea. Nake Jakuvu na Johana maarî vamwe nao.

Maariko 14:33

Nake Jesû nîwetire Petero, Jakuvu na Johana na makîthiî marî vamwe. Na vîndî wa îo Jesû nîwanyitirwe nî kîeva, akîthînîka mûno ngororî yake,

Maariko 3:16

Nao nî Simoni (ûrîa aatuîrîre rîîtwa akîmwîta Petero);

Maariko 5:37

Jesû ndetîkîria mûndû wîngî amuume vuva tiga Petero, Jakuvu na Mûrwang'ina Johana.

Maariko 9:2

Mîthenya îtandatû yavîtûka, Jesû nîwocire Petero, Jakuvu na Johana, akîmatongoria makîthiî vandû kîrîmarî îgûrû na magîkara kuo marî onga. Nake Jesû nîwagarûrûkire ûrîa oonekaga ekariî wa mamûroretie.

Luka 5:10

Nao Jakuvu na Johana; ariû a Zebedii, arîa maarutithanagia wîra na Simoni, nîmaamakire. Nwatî Jesû nîwerire Simoni atîrî, “We Petero, tiga kwîgua guoya, nîûndû kwambîrîria rîu ûgaategaga andû.”

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Luka 6:13

Na kîraûko gwakîa, Jesû nîwetire arutwa ake na gatagatîrî kao akîîthuurîra îkûmi na aîrî, arîa eetire atûmwa.

Luka 6:15

Mathaayo, Toma, Jakuvu mûrû wa Alufayo, Simoni (ûrîa wetagwa Zeloti),

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 14:8

Nake Filipu nîwerire Jesû atîrî, “Mwathani, twonie Vava, na nîtûkwîgua tweganîra.”

Johana 6:5

Rîrîa Jesû aaroririe akîona andû eengî mathiîte varîa aarî, nîwaûririe Filipu atîrî, “Nîtûruta irio cia kûrîwa nî andû aya onthe kû?”

Johana 6:8

Na mûrutwa wake wîngî wetagwa Enderea mûrwang'ina na Simoni Petero nîwerire Jesû atîrî,

Ciîko 1:13

Rîrîa maatonyire îtûûrarî rîu nîmaacokire makîthiî kanyombarî ka îgûrû kûrîa meekaraga. Nao maarî Petero, Johana, Jakuvu na Enderea, Filipu, Toma, Batholomayo, Mathaayo, Jakuvu mûrû wa Alufayo, Simoni ûrîa wetagwa Zelote, na Judasi mûrû wa Jakuvu.

Ciîko 12:2

Nake nîwathanire akiuga Jakuvu, mûrwang'ina na Johana aûragwe na rûviû.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.