Luka 6:12 - ÎVUKU RÎA ÛVORO MWARO

¹² Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

Luka 6:12 ပူးပေါင်းရင်းမြစ်များ

Thaburi 22:2

Ûûi, Ngai wakwa, ngûkayagîra mûthenya nwatî ndûmbîtîkaga, ngûkayagîra ûtukû nwatî ndivurûkaga.

Isaia 26:9

Ngoro yakwa nîîkwîriragîria ûtukû; nie nîngûcaragia na kinyi. Nîûndû rîrîa ûgaatuîra nthî, andû onthe a nthî nîmakaamenya gwîka maûndû ma ûthingu.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Mathaayo 5:1

Na rîrîa Jesû oonire andû eengî, nîwaunûkirie kîrîmarî na agîkara nthî. Nao arutwa ake nîmaathiîre kûrî ke,

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

Maariko 1:35

Kîraûko macangîa Jesû aramûka, nîwaumire nyomba na akîthiî kûndû gûtaarî na andû kûvoya Ngai.

Maariko 3:13

Jesû nîwacokire akîambata kîrîmarî, na agîîtîra andû arîa eendire. Nao nîmaathiîre kûrî ke,

Maariko 6:46

Nake Jesû aarîkia kûrekereria kîrîndî, nîwathiîre kîrîmarî kûvoya Ngai.

Luka 5:16

Nwatî Jesû nîwamatigire na akîthiî werûrî kûvoera kuo.

Luka 6:11

Nao andû acio nîmaatûmbirwe nî marakara na makîambîrîria kûrania ûrîa magwîka Jesû.

Luka 6:17

Vîndî îrîa Jesû aanyûrûrûkire aumîte kîrîmarî arî vamwe na atûmwa ake, nîwarûngamire vandû varaganu arî vamwe na gîkundi kînene mûno Kîam arutwa ake. Nao andû eengî mûno arîa maaumîte matûûrarî ma Judea, Jerusalemu na nginya matûûrarî ma Turo na Sidoni marîa maarî ndeererî cia îria, nîmaathiîre kûrî Jesû nîguo mamûthikîrîrie na mavonue mîrimû yao.

Luka 9:18

Mûthenya ûmwe rîrîa Jesû aavoyaga arî wenga, arutwa ake nîmaathiîre kûrî ke, nake akîmaûria atîrî, “Andû maugaga nie nîrî û?”

Luka 9:28

Naguo mûthenya wa kanana kuuma Jesû aaria maûndû mau, nîwocire Petero, Johana na Jakuvu na makîambata kîrîmarî îgûrû kûvoya.

Luka 9:29

Vîndî îrîa Jesû aavoyaga, ûthiû wake nîwagarûrûkire, na nguo ciake nacio ikîambîrîria gûkengakenga.

Johana 6:3

Jesû na arutwa ake nîmaaunûkirie vandû karîmarî îgûrû na magîkara nthî vo.

Akol 4:2

Kîragîrîriani kûvoya mwîîguîte na mûgîcokagîria Ngai ngatho.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.