Luka 6:1 - ÎVUKU RÎA ÛVORO MWARO

¹ Mûthenya ûmwe wa thavatû rîrîa Jesû na arutwa ake mathiîrîrîte mîgûndarî ya ngano. Arutwa ake nîmaatuire igira cia ngano, makîirikitha na makîambîrîria kûrîa ngano.

Luka 6:1 ပူးပေါင်းရင်းမြစ်များ

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Alawi 23:15

“Mûgaatara ciumia mûgwanja vuva wa thavatû rîrîa mûkaavira gîkûmbwa Kîam irio kûrî Ngai-Mûnene rîrî îtega rîa mwanya.

Alawi 23:7

Mûthenya wa mbere wa gûkûngûîra pasaka, nîmûkaagomana vamwe nîûndû wa kûgooca na mûtikarutage wîra ûrîa mûrutaga wa mûthenya.

Luka 5:39

Wana gûtirî mûndû wîthagîrwa anyuîte ndivei îno ngûrû wendaga kûnyua ndivei ya kûvivwa wa rîo, nîûndû nîaugaga atîrî, ‘Ndivei îrîa ngûrû nî mbaro gûkîra ndivei ya kûvivwa warîo.’ ”

Luka 6:6

Mûthenya wîngî wa thavatû, Jesû nîwatonyire îvoerorî na akîthomithîria andû kuo. Nakuo kûu îvoerorî kwarî na mûndû warî na njara yake ya ûrîo yonjete.

Gûco 16:9

“Taragani ciumia mûgwanja kuuma mwambîrîria gûketha,

Gûco 23:25

Ûngîvîtûkîrîra mûgûndarî wa ngano wa mûndû, nwa ûtue wa irîa ûngîvota kûrikitha na njara, nwatî ndûgateme ngano na kaviû ka gûketha.