Luka 5:38 - ÎVUKU RÎA ÛVORO MWARO

³⁸ Vandû va ûguo, ndivei ya kûvivwa warîo nwa nginya îkîrwe mboororî îno njerû!

Luka 5:38 ပူးပေါင်းရင်းမြစ်များ

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Mathaayo 9:17

Wana gûtirî mûndû wonoragîria ndivei ya kûvivwa warîo mboororî îno ngûrû, nîûndû mbooro îo nwa îtarûke na ndivei îgetîka na mbooro îgacûkanga. Ndivei ya kûvivwa warîo yonoragîrua mboororî îrîa njerû nîguo ndivei wa vamwe na mbooro itigacûke.”

Luka 5:37

Wana gûtirî mûndû wonoragîria ndivei ya kûvivwa warîo mboororî îno ngûrû. Ndivei ya kûvivwa warîo nwa îtarûre mbooro îo na îgacoka îgeetîka na mbooro îo îkavaragana viû.

Luka 5:39

Wana gûtirî mûndû wîthagîrwa anyuîte ndivei îno ngûrû wendaga kûnyua ndivei ya kûvivwa wa rîo, nîûndû nîaugaga atîrî, ‘Ndivei îrîa ngûrû nî mbaro gûkîra ndivei ya kûvivwa warîo.’ ”

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Agal 2:4

Andû amwe arîa meendaga Tito arue na meetucaga etîkia, nîmeetonyererie gîkundirî gîetû ta athigani. Meendaga gûtuîria ûvoro wîgiî wîyathi ûrîa wonekaga nîûndû wa kwîthîrwa tûrî kîndû kîmwe na Jesû Kristû. Andû acio meendaga tûtuîke ngombo.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

Kûguû 21:5

Nake ûrîa wîkaragîra gîtî Kîam ûthamaki nîwaugire atîrî, “Taroria, nie nîrathondeka maûndû monthe matuîke macerû!” Wana rîngî nîwambîrire atîrî, “Andîka maûndû mama, nîûndû ciugo ino nî cia kwîvokeka na nî cia ma.”