Luka 5:22 - ÎVUKU RÎA ÛVORO MWARO

²² Nake Jesû nîwamenyire meciria mao na akîmaûria atîrî,

Luka 5:22 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 139:2

Nîûmenyaga rîrîa ngwîkara nthî na rîrîa ngûkîra, nîûmenyaga meciria makwa ûrî kûraca.

Nthi 15:26

Ngai-Mûnene nîathûrîte meciria ma andû arîa aganu, nwatî nîakenagua nî ciugo cia andû arîa atheru.

Isaia 66:18

Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Mathaayo 12:15

Rîrîa Jesû aamenyire mîvango îrîa Afarisai maarî nayo, nîwaumire kûu na akîthiî. Andû eengî nîmaamûrûmîrîre, na akîvonia arîa maarî arûaru onthe.

Mathaayo 12:25

Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga.

Mathaayo 9:4

Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Maariko 8:17

Jesû nîwecî ûrîa maaugaga na kwoguo nîwamaûririe atîrî, “Nîndûî kîratûma mwarîrîrie ûvoro wa ûrîa mûtarî na mîgate? Anga nginya rîu mûtirî mûramenya kana mûtaûkîrwa? Nîkwa mûmîtie ngoro cienyu atîa?

Luka 24:38

Nwatî Jesû nîwamaûririe atîrî, “Nîndûî kîratûma mwîtigîre? Nîndûî kîratûma mûgîe na nganja?

Luka 5:21

Nao arimû a Watho na Afarisai nîmaambîrîrie kûrania atîrî, “Mûndû ûyû ûraruma Ngai nîkwa arî û? Nî ûrîkû ûngîvota kwovera mûndû mevia tiga Ngai wenga?”

Luka 5:23

“Nîndûî kîratûma mwîcirie maûndû ta mau ngororî cienyu? Ûndû ûrîa mûvûthû nî ûrîkû, nî kuga mûndû ûyû, ‘We nîwoverwa mevia maku’ kana nî kuga, ‘Ûkîra na wîthiîre?’

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.