Luka 5:12 - ÎVUKU RÎA ÛVORO MWARO

¹² Rîrîa Jesû aarî îtûûrarî rîmwe, mûndû ûmwe warwarîte mûrimû mûcûku wa ngothi nîwathiîre varîa Jesû aarî. Na vîndî îrîa mûndû ûcio oonire Jesû, nîwegwîthirie nthî mbere yake na akîmûthaitha atîrî, “Mwathani! Ûngîenda nwa ûntherie!”

Luka 5:12 ပူးပေါင်းရင်းမြစ်များ

Kîam 18:14

Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

1Atha 18:39

Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

2Atha 7:3

Arûme ana arîa mekaraga kîvingorî marî arwaru mûrimû mûcûku wa ngothi nîmeranire atîrî, “Nîtwîkara ava nginya rîrîa tûgaakua nîkî?

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Ntha 4:6

Ngai-Mûnene nîwerire Musa rîngî atîrî, “Igîrîra njara yaku kîthûrirî gîaku.” Nake nîwamigîrîre. Na vîndî îrîa aamîrutire, njara îo yacerûvîte ta îra ta mûndû ûrwarîte mûrimû mûcûku wa ngothi.

Alawi 13:16

Nwatî rîrîa îtoo rîkaavora na rîcerûve rîngî, mûndû ûcio nîakaathiî kûrî mûthînjîri-Ngai,

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Mathaayo 26:6

Nake Jesû aarî îtûûrarî rîa Bethania mûciî gwa Simoni ûrîa warwarîte mûrimû wa ngothi.

Mathaayo 9:28

Na rîrîa Jesû aatonyire kûu nyomba, atumumu acio nîmaathiîre kûrî ke. Nake Jesû nîwamaûririe atîrî, “Mue nîmwîtîkîtie atî nie nwa nîmûvonie?” Nao nîmaamûcokerie atîrî, “Ii Mwathani!”

Maariko 5:23

“Kerîtu gakwa karî vakuvî gûkua. Wenda tu ûka ûkaigîrîre njara nîguo kavone na gatûûre mwoyo.”

Luka 17:16

Nake mûndû ûcio akinya varîa Jesû aarî, nîwegwîthirie nthî magûrûrî ma Jesû na akîmûcokeria ngatho. Mûndû ûcio aarî Mûsamaria.

Luka 5:13

Nake Jesû nîwatambûrûkirie njara yake, akîmûvutia na akîmwîra atîrî, “Nie nîngwenda, ûrothera!” Nake Mûndû ûcio warwarîte mûrimû mûcûku wa ngothi nîwavonire wa rîmwe.

Gûco 24:8

“Rîrîa mûndû arwara mûrimû mûcûku wa ngothi, nîathiî kûrî mûthînjîri-Ngai Mûlawi na amenyerere eke maûndû monthe marîa mûthînjîri-Ngai akaamwîra wata ûrîa namaathire.

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

Josh 5:14

Mûndû ûcio nîwamûcokerie atîrî, “Naarî, nie nîrî mûnene wa athigari a mbaara a Ngai-Mûnene.” Joshua nîwegwîthirie agîturumithia ûthiû nthî amûgooce na akîmwîra atîrî, “Mwathi wakwa, nie nîrî ndungata yaku mbîra ûrîa ûkwenda mbîke.”