Luka 4:5 - ÎVUKU RÎA ÛVORO MWARO

⁵ Ngoma nîyacokire agîtongoria Jesû akîmûvira vandû îgûrû. Na kavinda ta ga kûvucia kwa riitho ngoma nîyonirie Jesû mothamaki monthe ma nthî,

Luka 4:5 ပူးပေါင်းရင်းမြစ်များ

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Thaburi 73:19

Macûkangagua wa rîmwe; mathiragua nî imaûndû cia kûmakania.

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 4:8

Nayo Ngoma îo nîyacokire îkîvira Jesû kîrîmarî kîraca mûno na îkîmwonia mothamaki monthe ma nthî, ûnene na ûthaka wamo.

1Akor 15:52

wa rîmwe ta kûvucia kwa riitho vîndî îrîa karumbeta gakaavuvwa. Vîndî îrîa karumbeta gakaavuvwa, akuû nîmakaariûkua ûndû matagacoka gûkua rîngî na tue tuonthe nîtûkaagarûrûka.

1Akor 7:31

Nao andû arîa matûmagîra mavinda mao na gwîka maûndû ma gûkû nthî, magîrîrwe nî gwîkara takwa matatûmagîra mavinda mao monthe na gwîka maûndû ma gûkû nthî, nîûndû nthî îno wana mwîkarîre wayo wa rîu îthiîte kûthira.

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.