Luka 4:43 - ÎVUKU RÎA ÛVORO MWARO

⁴³ Nake Jesû nîwamerire atîrî, “Nwa nginya nie mvunjîrie andû Ûvoro Mwaro wa Ûthamaki wa Ngai, matûûrarî marîa mengî wa namo, nîûndû ûguo nîguo Ngai aandûmire mbûke mbîke.”

Luka 4:43 ပူးပေါင်းရင်းမြစ်များ

Isaia 48:16

“Nguvîvîriani mwîgue ûrîa nguga, kuuma tene ndianarîria nthithorî, kuuma rîrîa maûndû mau maambîrîîrie gwîkîka Nie naarî wa kuo.” Na rîu Ngai-Mûnene mwene vinya wonthe, nîandûmîte na akamva vinya wa Roho wake.

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Maariko 1:35

Kîraûko macangîa Jesû aramûka, nîwaumire nyomba na akîthiî kûndû gûtaarî na andû kûvoya Ngai.

Johana 20:21

Nake Jesû nîwamerire rîngî atîrî, “Gîani na thayû. Wa ta ûrîa Vava aandûmire, nwaguo wa nanie namûtûma.”

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.