Luka 4:42 - ÎVUKU RÎA ÛVORO MWARO

⁴² Kîraûko gwakîa, Jesû nîwaumire kûu mûciî ûcio na akîthiî kûndû gûtaarî andû. Nao andû nîmaathiîre kûmûcaria. Na vîndî îrîa maamwonire nîmaageririe kûmûrigîrîria nîguo ndakaume kuo.

Luka 4:42 ပူးပေါင်းရင်းမြစ်များ

Maariko 1:45

Nake mûndû ûcio aathiî, nîwaririe atagwîtigîra na agîtambia ûvoro ûcio mûno ûndû Jesû atangîatonyire îtûûrarî wanarî rîrîkû akîonagwa. Kwoguo Jesû nîwathiîre kûndû kwîthithu, nwatî wana arî kuo andû nwa maathiîcaga kûrî ke maumîte kûndû kuonthe.

Luka 24:29

Nwatî arûmîrîri acio nîmaamûthaithire makîmwîraga atîrî, “Îkarania natue nîûndû kûthiîte gûtuka.” Kwoguo Jesû nîwathûkirie na agîkarania nao.

Luka 6:12

Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Johana 4:40

Kwoguo vîndî îrîa Asamaria acio maathiîre kûrî Jesû nîmaamûthaithire etîkîre gwîkarania nao. Nake Jesû nîwekaranirie nao kuo mîthenya îîrî.

Johana 6:24

Rîrîa andû eengî moonire atî Jesû na arutwa ake matiarî vo, nîmaatwîre matarûrî mau na makîthiî îtûûrarî rîa Kaperinaumu kûmûcaria.