Luka 3:9 - ÎVUKU RÎA ÛVORO MWARO

⁹ Wana rîu îthanwa nîrige gîtinarî Kîam mûtî. Kwoguo mûtî wa wonthe ûtaciaraga maciaro maro, nîûgûtemwa na wikue mwakirî.”

Luka 3:9 ပူးပေါင်းရင်းမြစ်များ

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Danieli 4:14

Nake nîwanîrîre na mûgambo mûnene atîrî, “Tema mûtî ûcio na ûvarie nvûa ciaguo. Ûrivarive mathangû na ûnyagie matunda ma guo. Îngata nyamû cionthe irîa irî rungu rwa guo na iconi cionthe irîa itumîte ciomba mvûarî ciaguo.

Danieli 4:23

Navo varîa we Mûthamaki wonire mûrangîri ûrîa mûtheru anyûrûrûkîte kuuma îgûrû na akiuga atîrî, ‘Tema mûtî na ûûcûkangie viû, nwatî tiga kîthukî na mîri yakîo îtigwe na kûu nthî ciovetwe na mûcivi wa cuuma na gîcango. Tiga arivagwe nî îme; na atûûrage kîthakarî akîrîcaga nyaki ta nyamû cia kîthaka îvinda rîa mîaka mûgwanja.’

Mathaayo 3:10

Ngai nîmûvarîriu îthanwa rîa gûtema mûtî; mûtî wa wonthe ûtaciaraga maciaro maro, nîûgaatemwa na wikue mwakirî.

Mathaayo 7:19

Mûtî wa wonthe ûtaciaraga maciaro maro nîûtemagwa ûgaikua mwakirî.

Luka 13:6

Jesû nîwavecanire ngerekano îno: “Vîndî îmwe kwarî na mûndû wavandîte mûkûyû mûgûndarî wake wa mîthavibu. Nake mûndû ûcio nîwathiîre gûcaria ngûyû mûtîrî ûcio, nwatî ke ndoona ngûyû wana îmwe.

Luka 13:7

Kwoguo nîwerire mûruti wa wîra wa mûgûnda ûcio wake atîrî, ‘Rîu mîaka îthatû nî mîthiru wa mbûkaga gûcaria ngûyû mûkûyûrî ûyû, nwatî ndianona wanarî îmwe. Ûteme, nîûndû nîûragînjia mûgûnda wakwa mana!’

Luka 13:9

Angîthîrwa mûkûyû ûyû nîûgûciara mwaka mûku nî waro, nwatî angîthîrwa tîûciara, thiî ûkaambîra nîûteme.’ ”

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Ahib 10:28

Mûndû wa wonthe ûregaga kwathîkîra watho nîaûragagwa atakwîguîrwa ntha angiumbûrwa nî aira aîrî kana athatû.

Ahib 12:29

nîûndû Ngai wetû nî mwaki ûrîa ûvîvagia ûkathiria.