Luka 24:45 - ÎVUKU RÎA ÛVORO MWARO

⁴⁵ Nake Jesû nîwamavotithirie gûtaûkîrwa nî Mandîko,

Luka 24:45 ပူးပေါင်းရင်းမြစ်များ

Ayubu 33:16

Nîatûmaga mathikîrîrie ûrîa arauga, na amakaania, nîmagîcaga na guoya.

Thaburi 119:18

Vingûra metho makwa nîguo mone maûndû ma magegania marîa marî wathorî waku.

Ntha 4:11

Nake Ngai-Mûnene nîwerire Musa atîrî, “Nî ûrîkû ûvecaga mûndû ûvoti wa kwaria. Nî ûrîkû ûtûmaga mûndû aremwe nî kwaria na kwîgua. Nî ûrîkû ûtûmaga avote kwona kana atuîka mûtumumu? Anga tî nie, Ngai-Mûnene?

Luka 24:32

Nao nîmaambîrîrie kûrania atîrî, “Na kinthî ngoro cietû itikûrîrîmbûkaga vîndî îrîa agûtwaragîria na gûtûtaarîria Mandîko Matheru tûrî njîrarî?”

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.