Luka 24:30 - ÎVUKU RÎA ÛVORO MWARO

³⁰ Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Luka 24:30 ပူးပေါင်းရင်းမြစ်များ

Mathaayo 14:19

Jesû nîwacokire akîra andû mekare nthî nyakirî. Ke nîwacokire agîoca mîgate îo îtano na nthamaki icio igîrî, akîroria na îgûrû, agîcokia ngatho kûrî Ngai na akîmîrathima. Nîwamîenyûrangire na akîmînenganîra kûrî arutwa magaîre andû.

Mathaayo 15:36

Nîwacokire agîoca mîgate îo mûgwanja na nthamaki, agîcokia ngatho kûrî Ngai, agîcienyûranga na akînengera arutwa. Nao makîgaîra andû.

Mathaayo 26:26

Rîrîa maarîcaga, Jesû nîwocire mûgate, akîûrathima, akîwenyûranga, akîûnengera arutwa ake na akîmeera atîrî, “Kani mûrîe, ûyû nî mwîrî wakwa.”

Maariko 14:22

Rîrîa maarîcaga, Jesû nîwocire mûgate akîûrathima, akîwenyûranga na akîûnengera arutwa ake akiugaga atîrî, “Keni; ûyû nî mwîrî wakwa.”

Maariko 6:41

Nake Jesû nîwacokire agîoca mîgate îo îtano na nthamaki icio igîrî, agîtiira metho make na îgûrû, na agîcokeria Ngai ngatho. Nîwenyûrangire mîgate îo na akînengera arutwa ake nîguo magaîre andû. Nîwacokire akîmagaîra nthamaki icio igîrî.

Maariko 8:6

Nake Jesû nîwathire kîrîndî kîu gîkare nthî. Nîwacokire agîoca mîgate îo mûgwanja, agîcokeria Ngai ngatho, akîmîenyûranga na akîmînenganîra kûrî arutwa ake magaîre kîrîndî. Nao arutwa nîmaagaîre kîrîndî.

Luka 22:19

Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”

Luka 24:29

Nwatî arûmîrîri acio nîmaamûthaithire makîmwîraga atîrî, “Îkarania natue nîûndû kûthiîte gûtuka.” Kwoguo Jesû nîwathûkirie na agîkarania nao.

Luka 24:35

Nao arûmîrîri arîa aîrî nîmaacokire makîmenyithia arutwa acio îkûmi na ûmwe a Jesû wa vamwe na andû acio engî maûndû marîa meekîkire marî njîrarî na ûrîa maamenyire Mwathani kavinda karîa eenyûrangire mûgate.

Luka 9:16

Vîndî wa îo, Jesû nîwocire mîgate îo îtano na nthamaki icio igîrî na atira metho na îgûrû, akîirathima, agîcoka akîenyûranga mîgate wana nthamaki icio na akînengera arutwa ake magaîre andû acio.

Johana 6:11

Jesû nîwocire mîgate îo, agîcokeria Ngai ngatho na akîmînenganîra îgaîrwe andû arîa meekarîte nthî. Nîwacokire agîoca nthamaki icio, agîcokeria Ngai ngatho na akîinenganîra igaîrwe andû kûringana na kîthimi kîrîa wa mûndû endire.

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 27:35

Rîrîa Paûlo aarîkirie kuga ûguo, nîwocire mûgate, agîcokia ngatho kûrî Ngai nîûndû waguo arî vau mbere ya andû onthe, akîwenyûra na akîambîrîria kûrîa.