Luka 24:29 - ÎVUKU RÎA ÛVORO MWARO

²⁹ Nwatî arûmîrîri acio nîmaamûthaithire makîmwîraga atîrî, “Îkarania natue nîûndû kûthiîte gûtuka.” Kwoguo Jesû nîwathûkirie na agîkarania nao.

Luka 24:29 ပူးပေါင်းရင်းမြစ်များ

Kîam 19:3

Loti nîwathiîre na mbere kûmaringîrîria na mûthiiarî nîmaathiîre nake gwake mûciî. Loti nîwathire ndungata ciake iruge mîgate îno îtarî mîkîre ndawa ya kwimbia. Mîgate yarîkia kûvîa, ageni nîmaarîre.

2Atha 4:8

Mûthenya ûmwe Elisha nîwathiîre Shunemu kûrîa mûndûmûka warî gîtonga aatûûraga. Mûndûmûka ûcio nîwaringîrîrie Elisha athiî akarîe irio gwake. Kwoguo kuuma vîndî îo, rîrîa rîonthe Elisha aathiîcaga Shumemu, nîwatonyaga mûciî kwa mûndûmûka ûcio na akarîa irio kuo.

Luka 14:23

Mûnene wa ndungata îo nîwamîrire atîrî, ‘Thiî varavararî wa na tûcîrarî tûrîa tûrî nja ya îtûûra rîîrî ûringîrîrie andû maûke nîguo nyomba yakwa îcûre.

Luka 24:28

Vîndî îrîa maakuvîvîrie gîcagi kîrîa mathiîte, Jesû nîwonekanire takwa eendaga kûthiî na mbere na rûgendo.

Luka 24:30

Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.