Luka 23:7 - ÎVUKU RÎA ÛVORO MWARO

⁷ Rîrîa Pilato aamenyire atî Jesû aarî wa kuuma vûrûrirî ûrîa Herode aathanaga, nîwamûtûmire kûrî Herode. Vîndî îo Herode wa nake aarî Jerusalemu.

Luka 23:7 ပူးပေါင်းရင်းမြစ်များ

Mathaayo 14:1

Kavinda wa kau, Herode ûrîa wathanaga Galili nîwegwire ngumo ya Jesû,

Mathaayo 14:3

Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu.

Mathaayo 14:6

Rîrîa mûthenya wa gûkûngûîra gûciarwa kwa Herode wakinyire, mwarî wa Herodia nîweinirie arî mbere ya ageni onthe. Herode nîwakenirue mûno nî mwîrîtu ûcio,

Maariko 6:14

Mûthamaki Herode nîwegwire maûndû mau monthe nîûndû ngumo ya Jesû nîyatambîte kûndû kuonthe. Andû amwe maaugaga atîrî, “Nî Johana Mûvatithania ûriûkîte na nîkîo arî na ûvoti mwîngî ûguo wa kûringa ciama.”

Luka 13:31

Vîndî wa îo, Afarisai amwe nîmaathiîre varîa Jesû aarî na makîmwîra atîrî, “Nî kava ume gûkû nîûndû Herode nîarenda gûkûûragithia.”

Luka 23:6

Vîndî îrîa Pilato eegwire ûguo nîwaûririe atîrî, “Mûndû ûyû nî Mûgalili?”

Luka 3:1

Mwakarî wa îkûmi na gatano wa wathani wa Tiberio, mûthamaki wa Roma, Pontio Pilato nîke warî mûnene wa Judea. Nake Herode aathanaga vûrûrirî wa Galili, nake mûrwang'ina Filipu aathanaga icunjî cia Iturea na Turakoniti. Nake Lisania aathanaga vûrûrirî wa Abilene.

Luka 9:7

Vîndî îrîa Herode ûrîa warî mûthamaki wa Galili eegwire maûndû monthe marîa meekîkaga, nîwarigarirue mûno nîûndû andû amwe maaugaga atî Johana Mûvatithania nîke ûriûkîte.

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.